ირაკლი ღარიბაშვილი „ქართული ოცნებისთვის" არის ერთ-ერთი იმედი არჩევნებზე,- ამის შესახებ ფრაქცია „დამოუკიდებელი დეპუტატების" წევრმა ლევან გოგიჩაიშვილმა პარლამენტში, ჟურნალისტებთან განაცხადა.
როგორც მან აღნიშნა, მას კითხვები თავდაცვის მინისტრთან სწორედ პოლიტიკის ირგვლივ ექნება.
„პირველ რიგში ღარიბაშვილი არის პოლიტიკოსი, თავდაცვის მინისტრის პოსტი არის პოლიტიკური თანამდებობა. ღარიბაშვილი არის „ქართული ოცნების" ძალიან აქტიური სახე, ერთ-ერთი იმედი მათთვის არჩევნებზე. ამიტომ ჩემი ძირითადი კითხვები იქნება მის მიმართ პოლიტიკის ირგვლივ, ჩვენს წარსულზე, აწმყოზე და მომავალზე,"- განაცხადა გოგიჩაიშვილმა.
შეგახსენებთ, დღეს პარლამენტში „მინისტრის საათის“ ფორმატში ირაკლი ღარიბაშვილს მოუსმენენ. თავდაცვის მინისტრი საკანონმდებლო ორგანოში უკვე მივიდა.