ლევან გოფოძის განცხადებით, კორონავირუსით ინფიცირებული 6 ახალი პაციენტიდან ორი მათი მედპერსონალია

რესპუბლიკური საავადმყოფოს დირექტორის ლევან გოფოძის განცხადებით, კორონავირუსით ინფიცირებული 6 ახალი პაციენტიდან ორი კლინიკის მედპერსონალია.

როგორც გოფოძემ ჟურნალისტებს განუცხადა, ინფიცირებულები არიან ექთნები, რომელთაც კორონავირუსით დაინფიცირებულ პაციენტებთან უწევდათ კონტაქტი.

მისი თქმით, რესპუბლიკური საავადმყოფოს თანამშრომელთა „აგრესიული ტესტირება“ დაიწყება.

„დღეს დაახლოებით 50 ექიმი, ექთანი და სანიტარი გაიტესტა. როგორც კი ჩვენთან პირველი შემთხვევა აღმოჩნდა, მაშინვე დავიწყეთ მთელი „სტაფის“ გატესტვა.

ახალი დამთავრებული გვქონდა სრული ტესტირება, დაახლოებით ორი დღის, მთელი „სტაფი“ გატესტილი გვყავდა, ყველა ნეგატიური იყო, თუმცა, მოგეხსენებათ, კორონავირუსს ეს არ აინტერესებს.

დავიწყებთ ჩვენი თანამშრომლების ე.წ. აგრესიულ ტესტირებას, ყველას გავტესტავთ. პასუხები ხვალ გვექნება ჩვენი 50 თანამშრომლის და მათიც, ცხელების ცენტრში ვინც შემოვიდა“,- განაცხადა გოფოძემ.

მისი თქმით, ინფიცირებულთაგან ერთი ინფექციური საავადმყოფოდანაა გადმოყვანილი და მისი ეპიდწყარო ცნობილია, ხოლო დანარჩენი პაციენტების შემთხვევაში, ვისაც ინფიცირება ახლა დაუდასტურდა, კონტაქტების მოძიება დაიწყება.

რაც შეეხება კითხვას, მუშაობდნენ თუ არა ტემპერატურიანი მედიკოსები მათ კლინკაში პაციენტებთან, გოფოძე პასუხობს, რომ ეს სწორი ინფორმაცია არ არის.

„არა, ეს ასე ნამდვილად არ არის და ეს არ არის სწორი ინფორმაცია, რომ სიცხიანი თანამშრომლები ჩვენთან მუშაობდნენ. პირველ რიგში, ამის სადარაჯოზე ვიდექით ჩვენთან ყველა, რომ მედპერსონალს ტემპერატურა არ ჰქონოდა. ის კი არა, ოდნავ ყელის ტკივილზეც პანიკა ტყდებოდა, სასწრაფოდ ტესტირებას ვუკეთებდით და ჩვენი რამდენიმე თანამშრომელი 3-ჯერ და 4-ჯერ არის PCR-ტესტზე გამოკვლეული“, - უპასუხა გოფოძემ.

ცნობისთვის, რესპუბლიკურ საავადმყოფოში კორონავირუსი სულ 6 მედიკოსს აქვს დადასტურებული.

ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
ქართული პრესის მიმოხილვა 06.07.2020
ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა