ირაკლი ღარიბაშვილის განცხადებით, ქვეყნის წინაშე დღეს არსებულ უმთავრეს გამოწვევად რუსული ოკუპაცია რჩება

საქართველოს თავდაცვის მინისტრის, ირაკლი ღარიბაშვილის განცხადებით, ქვეყნის წინაშე დღეს არსებულ უმთავრეს გამოწვევად რჩება რუსული ოკუპაცია. როგორც მინისტრმა პარლამენტში „მინისტრის საათის“ ფარგლებში გამოსვლისას განაცხადა, „ურთულესი უსაფრთხოების გარემო ქვეყანამ წინა ხელისუფლებისგან მემკვიდრეობით მიიღო და ყოველდღიურად უწევს ე.წ. ბორდერიზაციასთან გამკლავება“.

სიტყვით გამოსვლისას, თავდაცვის მინისტრმა ყურადღება გაამახვილა შიდა და საგარეო გამოწვევებზე, რეგიონის უსაფრთხოების საკითხებზე, ჰიბრიდულ გამოწვევებზე. მან აღნიშნა, რომ ქვეყნის წინაშე არსებული გამოწვევების გათვალისწინებით, თავდაცვის უწყება თავდაცვის შესაძლებლობების განვითარებისა და საბრძოლო მზადყოფნის ამაღლების მიზნით ხელმძღვანელობს სტრატეგიული მიმართულებებით.