ტექნიკურ უნივერსიტეტში IV კურსელებისთვის ლაბორატორიული მეცადინეობა 15 ივნისიდან განახლდება

საქართველოს ტექნიკური უნივერსიტეტის ყველა ფაკულტეტის ბაკალავრიატის IV კურსის სტუდენტებისთვის, მიმდინარე წლის 15 ივნისიდან, მეორე სემესტრის ის ლაბორატორიული მეცადინეობები განახლდება, რომლის ჩატარებაც ონლაინ რეჟიმში შეუძლებელი იყო.

როგორც „ინტერპრესნიუსს“ საქართველოს ტექნიკური უნივერსიტეტიდან აცნობეს, დისტანციური სალექციო კურსები კი ლაბორატორიული მეცადინეობის პარალელურად გაგრძელდება.

სტუ-ის საზოგადოებასთან ურთიერთობის დეპარტამენტის ცნობით, აკადემიური ჯგუფების ცხრილში შესაბამისი ცვლილებები უკვე ასახულია.

“ლაბორატორიული მეცადინეობები ცხრილში მითითებულ აუდიტორიებში ჩატარდება. განახლებული ცხრილი განთავსებულია ტექნიკური უნივერსიტეტის ოფიციალურ ვებგვერდზე www.gtu.ge - რუბრიკაში „აკადემიური მოსწრება“ და დისტანციური სწავლების საუნივერსიტეტო პლატფორმაზე www.elearning.gtu.ge .

საქართველოს ტექნიკური უნივერსიტეტის ადმინისტრაცია თხოვნით მიმართავს სტუდენტებს, ლაბორატორიულ მეცადინეობებზე დასასწრებად თან იქონიონ პირბადეები.

საქართველოს ტექნიკური უნივერსიტეტი, თავის მხრივ, ლაბორატორიული სასწავლო პროცესის ჩატარებას ჯანდაცვის სამინისტროს რეკომენდაციების გათვალისწინებითა და პანდემიის გავრცელების საპრევენციო ღონისძიებების სრული დაცვით უზრუნველყოფს.

რაც შეეხება ბაკალავრიატის I, II, III კურსის, ასევე მაგისტრატურისა და დოქტორანტურის სტუდენტებს, მათთვის ლაბორატორიული მეცადინეობების განახლების შესახებ ინფორმაცია საქართველოს ტექნიკური უნივერსიტეტის ოფიციალურ გვერდებზე წინასწარ განთავსდება”, - ნათქვამია ინფორმაციაში.

ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს