ემანუელ მაკრონი - ვირუსთან პირველი გამარჯვება მოვიპოვეთ, საფრანგეთი „მწვანე ზონად“ გამოცხადდა

საფრანგეთი დღეიდან კორონავირუსთან დაკავშირებით დაწესებულ შეზღუდვებს მნიშვნელოვნად ამსუბუქებს, - შესაბამისი განცხადება ქვეყნის პრეზიდენტმა ემანუელ მაკრონმა სატელევიზიო მიმართვის დროს გააკეთა.

მისი თქმით, საფრანგეთის მთელი ტერიტორია ორშაბათიდან „მწვანე ზონად“ ცხადდება, ეს კი იმას ნიშნავს, რომ ქვეყანაში ყველა ტიპის კაფე და რესტორანი გაიხსნება.

მაკრონმა ასევე განაცხადა, რომ დღეიდან მოქალაქეებს ევროპის სხვა ქვეყნებში შეუზღუდავად გადაადგილების საშუალება ექნებათ. 22 ივნისიდან კი საფრანგეთის ყველა სკოლაში, საშუალო სკოლების გარდა, სასწავლო პროცესი განახლდება.

„ბრძოლა ეპიდემიის წინააღმდეგ არ დასრულებულა, თუმცა, მოხარული ვარ, რომ ვირუსის წინააღმდეგ პირველი გამარჯვება მოვიპოვეთ,“ - განაცხადა ემანუელ მაკრონმა და დასძინა, რომ შეზღუდვების მნიშვნელოვნად შემსუბუქების მიუხედავად, ქვეყანაში მასობრივი შეკრებები კვლავ „მკაცრად გაკონტროლდება.“

ემანუელ მაკრონმა ასევე აღნიშნა, რომ ადგილობრივი არჩევნების მეორე ტური, რომელიც მარტში უნდა ჩატარებულიყო და კორონავირუსის ეპიდემიის გამო გადაიდო, 28 ივნისს გაიმართება.

ცნობისათვის, საფრანგეთში კორონავირუსის 157 000-ზე მეტი შემთხვევაა დადასტურებული, დაღუპულია 29 407 ადამიანი. პრეზიდენტმა მაკრონმა პირველი მკაცრი კარანტინი 17 მარტს დააწესა, 11 მაისიდან კი ქვეყანამ დაწესებული შეზღუდვების ეტაპობრივი შემსუბუქება დაიწყო.

იხილეთ ვიდეო: ემანუელ მაკრონმა საფრანგეთის თითქმის მთელი ტერიტორია ე.წ. მწვანე ზონად გამოაცხადა

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ