გიორგი კაკაურიძე - ვალი ავიღეთ იმისთვის, რომ ქვეყანა სრულად ყოფილიყო დაზღვეული როგორც ეკონომიკური კრიზისის პირობებში, ასევე, პანდემიის გაგრძელების შემთხვევაში

ჩვენ ვალი ავიღეთ იმისთვის, რომ სრულად ყოფილიყო ქვეყანა დაზღვეული როგორც ეკონომიკური კრიზისის პირობებში, ასევე, პანდემიის გაგრძელების შემთხვევაში, - ამის შესახებ ფინანსთა მინისტრის მოადგილემ, გიორგი კაკაურიძემ ფრაქცია „ნაციონალური მოძრაობის“ სხდომაზე 2020 წლის ბიუჯეტში ცვლილებების პროექტის წარდგენისას განაცხადა.

როგორც მან აღნიშნა, წარმოდგენილი სცენარის მიხედვით, გროვდება, დაახლოებით, 2,5 მილიარდი ფინანსური რესურსი იმისთვის, რომ საჭიროების შემთხვევაში ბიუჯეტი მზად იყოს შესაბამისი ხარჯების გასაწევად.

„ვალი, რა თქმა უნდა, გვეზრდება, წლის ბოლოსთვის, მისი მაჩვენებელი 55%-ს გადააჭარბებს. ეს კარგი არ არის, თუმცა, ჩვენ ვალი ავიღეთ იმისთვის, რომ ქვეყანა სრულად ყოფილიყო დაზღვეული როგორც უფრო ღრმა ეკონომიკური კრიზისის, ისე პანდემიის გაგრძელების შემთხვევაში. წარმოდგენილი სცენარის მიხედვით, ჩვენ 2.5 მილიარდის ოდენობის ფინანსურ რესურსს ვაგროვებთ და თუ დაგვჭირდა მეტი თანხის მობილიზება, ბიუჯეტი ამისთვის მზად იქნება. თუმცა, ვიმედოვნებთ, რომ მეორე ტალღა არ იქნება უფრო რთული. ჩვენ ეს რეზერვი უნდა გამოვიყენოთ მომდევნო წლებში ვალის შემცირებისთვის. ვფიქრობთ, ეს არის პიკი და ჩვენ მომდევნო 2-3 წელიწადში, ვალის მოცულობას მშპ-სთან მიმართებაში მნიშვნელოვნად შევამცირებთ და 55%-იანი ზღვრიდან 50%-ზე დაბლა ჩამოვალთ,“ - აღნიშნა ფინანსთა მინისტრის მოადგილემ.

ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
ქართული პრესის მიმოხილვა 29.07.2021
ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
რა უპირატესობები აქვს სამსუნგის სმარტფონს ოფიციალური ჰოლოგრამით?
სიახლე PSP-სგან - ფრანგული დერმატოლოგიური კოსმეტიკის ინოვაციური ბრენდი SVR უკვე საქართველოშია
გაყინული კრემიდან „თოლიას“ რეცეპტებამდე, ანუ ყველაფერი, რაც ნაყინის შესახებ უნდა იცოდე
ბათუმში „მაგნიტის“ ახალი ფორმატის ფილიალი - „მაგნიტი მაქსი“ გაიხსნა
რომში “ინტელიექსპრესის” ახალი ფილიალი გაიხსნა