რომან გოცირიძე - ივანიშვილის საკონცერტო დარბაზის სუბსიდირება წელიწადში 8 მლნ ლარი ჯდება

ბიუჯეტით ვერავის მოატყუებ, ბიუჯეტი არის სარკე ტყუილების მხილებისა - რაც ილაპარაკა გიორგი გახარიამ თავის პრეზენტაციაზე, ამ ბიუჯეტში არ დევს,- ამის შესახებ ფრაქცია „ნაციონალური მოძრაობის“ თავმჯდომარემ, რომან გოცირიძემ ფრაქციის სხდომაზე განაცხადა. მისი თქმით, ანტიკრიზისული ბიუჯეტი „უთავოდაა დაგეგმილი“ და მასში არაფერი შემცირებულა, გარდა იმ ხარჯებისა, რომელიც საგანგებო მდგომარეობის გამო ვერ განხორციელდა.

„2012 წელს, როდესაც ხელისუფლება გადავაბარეთ, ვალი იყო 9 მილიარდი ლარი. ეს ვალი დაგროვებული იყო საქართველოს დამოუკიდებლობის დღიდან მოყოლებული 2012 წლამდე. „ქართული ოცნების“ ხელისუფლებამ ვალი აიყვანა 28 მილიარდამდე და 8 მილიარდი ლარის ოდენობის ვალი აიღო მხოლოდ წელს. გასაგებია, საგარეო დახმარებების მიღების აუცილებლობის წინაშე იდგა ქვეყანა, მაგრამ რატომ აიღეთ საშინაო ვალი, რატომ გაიზარდა წელს ქვეყანაში საშინაო ვალი, მაშინ, როდესაც შესაძლებლი იყო უამრავი უვარგისი ხარჯის შეკვეცა ბიუჯეტში. რეალურად ბიუჯეტში არაფერი შემცირდა, გარდა იმ ხარჯებისა, რომელიც ვერ განხორციელდა საგანგებო მდგომარეობის გამო. მარტო ივანიშვილის საკონცერტო დარბაზის სუბსიდირება წელიწადში 8 მილიონი ლარი ჯდება. ჩვენი ჯიბიდან უნდა შევინახოთ ივანიშვილის მიერ აშენებული ის ობიექტი, რომელიც სიამაყით ამბობს, რომ მთავრობას აჩუქა. ჰქონოდა თავის საკუთრებაში, გამოეყენებინა, ემართა კონცერტები და თვითონ დაეფინანსებინა და მოგება ენახა, ან გაექირავებინა. რომ ამბობთ, რომ 560 მლნ ლარი ეკონომია გავაკეთეთ, არანაირი ეკონომია არ არის, ვერ დავხარჯეთ იმიტომ, რომ ფიზიკურად შეუძლებელი იყო ჩაკეტილი ქვეყნის პირობებში. ეს ბიუჯეტი არ შეესაბამება ხალხის მოთხოვნებს“,- განაცხადა გოცირიძემ.

ევროკავშირის სადამკვირვებლო მისიის ხელმძღვანელი - ახლა უმთავრესი გამოწვევა დიალოგის განახლებაა, წინააღმდეგ შემთხვევაში, ვშიშობ, რომ ადგილზე გვექნება გართულებული ვითარება
ლევან ნატროშვილი - მიუხედავად იმისა, რომ საარჩევნო კოდექსში ბევრი დადებითი ცვლილება განხორციელდა, ისინი ბოლომდე ვერ პასუხობს  ეუთო/ოდირის რეკომენდაციებს
ქართული პრესის მიმოხილვა 02.07.2020
აჭარის ტურიზმის დეპარტამენტის თავმჯდომარე - მოვუწოდებ ყველა ქართველს, იმოგზაურონ ჩვენს რეგიონში, მათთვის ბევრი საინტერესო პროდუქტი გვაქვს
ვანო ჩხარტიშვილი - მამუკა ხაზარაძე დღეს მომავლის საშვის აღებას წარსულის გადაწერით ცდილობს
ძუძუს კიბო და ადრეული დიაგნოსტირების როლი მის მკურნალობაში
„თბილღვინო“ სოციალური პასუხისმგებლობის ფარგლებში შეჭირვებულ ოჯახებს ეხმარება
საუკეთესო სავალუტო კურსი ტერაბანკისგან
საქართველოში სერვისი ბინა გაქირავების გარანტიით შემოვიდა - მესაკუთრეები დაზღვევის სახით ბინის ღირებულების 5%-ს მიიღებენ
„ვისოლი“ Smart Pay ფორმატის ავტოგასამართი სადგურების ქსელს ავითარებს
Apple Pay ხალიკ ბანკი საქართველოს მომხმარებლებისთვის