დავით ზალკალიანი - მიუხედავად იმისა, რომ მსოფლიოს ყურადღება გატანალი იყო Covid-19-ის საერთო გამოწვევაზე, ამ პერიოდშიც, ვიხილეთ კიდევ ერთი არაკანონიერი ქმედება ჩვენს ოკუპირებულ ტერიტორიებზე
მიუხედავად იმისა, რომ მთელი მსოფლიოს ყურადღება გადატანალი იყო Covid-19-ის საერთო გამოწვევაზე, ამ პერიოდშიც, სამწუხაროდ, ვიხილეთ კიდევ ერთი არაკანონიერი ქმედება ჩვენს ოკუპირებულ ტერიტორიებზე, - ამის შესახებ საგარეო საქმეთა მინისტრმა დავით ზალკალიანმა საქართველოში აკრედიტებულ ელჩებთან შეხვედრისას განაცხადა.
მისივე თქმით, ასეთ დროს საერთაშორისო პარტნიორების მხარდამჭერი განცხადებები ქვეყნისთვის კრიტიკულად მნიშვნელოვანი იყო.
,,ვიხილეთ უკანანო ბორდერიზაციის პროცესის განახლება, დეზინფორმაციის კამპანია, რომელიც მიმართული იყო იმ ინფრასტრუქტურაზე, რომელიც ყველაზე ეფექტურად მუშაობდა, მათ შორის, ლუგარის ლაბორატორიაზე, რომელიც იყო ჩვენი წარმატების ერთ-ერთი მნიშნველოვანი ფაქტორი. ამ დროს, მხარდაჭერა, მეგობრების კონსოლიდაცია ყველა საერთაშორისო ორგანიზაციაში, მნიშვნელოვანი მხარდამჭერი განცხადებების გაკეთება ეუთოში, ევროპის საბჭოში, გაეროს ფორმატებში ჩვენთვის კრიტიკულად მნიშვნელოვანი იყო ,“ - განაცხადა დავით ზალკალიანმა.
საგარეო საქმეთა მინისტრის აზრით, მომავალი არჩევნები დემოკრატიული ინსტიტუტების სიმწიფის კიდევ ერთი დასტური იქნება.
„ჩვენ უკვე დავუგზავნეთ მოსაწვევები ყველა საერთაშორისო დამკვირვებელს, რომელიც ჩართულია არჩევნების მონიტორინგის პროცესში. დარწმუნებული ვარ, რომ ეს არჩევნები კიდევ ერთი დასტური იქნება ჩვენი დემოკრატიული ინსტიტუტების სიმწიფის და იმის, რომ საქართველოს გზა ევროატლანტიკური ინტეგრაციის გზაზე არის შეუქცევადი,“ - აღნიშნა დავით ზალკალიანმა.
