„ახალი საქართველოს“ ლიდერის გიორგი ვაშაძის ინფორმაციით, ოპოზიციური პარტიები თბილისის მაჟორიტარობის საერთო კანდიდატებს პარასკევს, 19 ივნისს წარადგენენ.
„პარასკევს ყველანი ერთად შევიკრიბებით და ყველა საკითხზე გვექნება შესაბამისი პასუხები. აუცილებლად დავასახელებთ უკვე კანდიდატებს, რომლებსაც წარვადგენთ თბილისში. ძალიან საინტერესო ფორმულა მოვიფიქრეთ, როგორ ვაპირებთ თბილისის მაჟორიტარების კუთხით მოქმედებას. მთავარია წარვადგინოთ პიროვნებები, რომლებსაც ყველაზე მეტი მხარდაჭერა ექნებათ საზოგადოების მხრიდან,“ - განაცხადა გიორგი ვაშაძემ.