სამხრეთ კორეა ჩრდილოეთ კორეის რეჟიმის უგუნურ საქციელს აღარ მიიღებს, - ამის შესახებ სამხრეთ კორეის პრეზიდენტის პრესსპიკერმა იუნ დუ-ჰანმა განაცხადა. მისივე თქმით, კიმ ჩენ ინის დის მიერ სამხრეთ კორეის პრეზიდენტის მიმართ გამოთქმული ბრალდებები საფუძველს მოკლებულია.
„ეს უხეში და უაზრო ქმედება ორი ლიდერის მიერ ჩამოყალიბებულ ნდობას ფუნდამენტურად აზიანებს,“- განაცხადა „ლურჯი სახლის“ პრესსპიკერმა.
ცნობისათვის, ჩრდილოეთ კორეამ უარი განაცხადა მიიღოს ელჩები, რომლის გაგზავნის ინიციატივითაც სამხრეთ კორეის პრეზიდენტი გამოვიდა. ჩრდილოეთ კორეის ლიდერის, კიმ ჩენ ინის დამ, კიმ იონგ უნმა შეთავაზებას „უტაქტო და მავნე“ უწოდა და მის მიღებაზე უარი განაცხადა. ორ კორეას შორის სიტუაცია განსაკუთრებით მას შემდეგ დაიძაბა, რაც გუშინ ჩრდილოეთ კორეამ სასაზღვრო ქალაქ კესონში მდებარე ჩრდილოეთ-სამხრეთ კორეის სამეკავშირეო ოფისი ააფეთქა, რომელიც 2018 წელს ორი ქვეყნის ლიდერების მიერ მიღწეული სამშვიდობო შეთანხმების ფარგლებში შეიქმნა.