"მთავარი არხის" ერთ-ერთი მეწილის, გიორგი რურუას საქმის პროკურორის, ვასილ სამხარაძის განცხადებით, დღეს დაკითხული პოლიტიკოსების ჩვენებები არაფრისმომცემია. როგორც სამხარაძე აცხადებს, მოწმეებმა, რომლებიც სასამართლოში დაიკითხნენ, რურუა დაკავებამდე რამდენიმე საათით ადრე ნახეს.

"დაცვის მხარემ 6 მოწმე დაკითხა. ექსვივე მათგანმა განაცხადა, რომ გიორგი რურუა ნახეს 17- 18 ნოემბრს და მათან გარკვეული კომუნიკაცია ჰქონდათ. რაც შეეხება საგამოძიებო მოქმედებას - ჩხრეკას და შემდეგ დაკავებას, ამ ფაქტთან შემხებლობა არ ჰქონიათ. რუსთაველის გამზირიდან, იმ ადგილზე, სადაც მოხდა დაკავება, ანუ ჭავჭავაძის გამზირამდე, სასაფლაოების მიმდებარე ტერიტორიამდე, 8 კილომეტრია დაშორება. ასევე გასათვალისწინებელია, რომ ექვსივე მათგანმა აღნიშნა, რომ დაკავებამდრ 3, 5, 8 საათით ადრე ჰყავდათ გიორგი რურუა ნანახი და ამ 8 საათით ადრე მას ცეცხლსასროლი იარაღი არ ჰქონია. შესაბამისად, ექსვსივე მოწმის ჩვენება არაფრისმომცემია და სისხლის სამართლის საქმესთან შემხებლობაში არ არის", - განაცხადა სამხარაძემ.

დღეს გიორგი რურუას საქმეზე რამდენიმე ოპოზიციონერი დაიკითხა.