ბექა ლილუაშვილი - Deloitte-ის ნიუ-იორკის ოფისის ექსპერტების შეფასებით, საქართველოს მთავრობის თითოეული ნაბიჯი, პანდემიის პირობებში, საუკეთესო საერთაშორისო პრაქტიკას შეესაბამებოდა

Deloitte-ის ნიუ-იორკის ოფისის ეკონომიკური ექსპერტები მაღალ შეფასებას აძლევენ საქართველოს მთავრობის მხრიდან გატარებულ ღონისძიებებს ანტიკრიზისული და სექტორული მხარდაჭერის მიმართულებებით, - ამის შესახებ პრემიერ-მინისტრის მრჩეველმა ეკონომიკურ საკითხებში, ბექა ლილუაშვილმა Deloitte-ის ნიუ-იორკის ოფისის კონსულტანტების მიერ საქართველოს პოსტკრიზისულ ეკონომიკურ გეგმასთან დაკავშირებით წარმოდგენილი პრეზენტაციის შემდეგ განაცხადა.

მისივე თქმით, საქართველოს მთავრობა, აშშ-ის განვითარების სააგენტოს და გაერო-ს განვითარების პროგრამის მხარდაჭერით, კრიზისის შემდგომ ეკონომიკურ გეგმაზე რამდენიმე სამუშაო ჯგუფის ფორმატში მუშაობს, მათ შორისაა: Deloitte-ის ნიუ-იორკის ოფისის ეკონომიკური ექსპერტები, კემბრიჯისა და ლონდონის უნივერსიტეტის პროფესორები და ქართველი ექსპერტები.

„საქართველოს მთავრობა მუშაობას განაგრძობს ქვეყნის ეკონომიკის საშუალო და გრძელვადიანი სტაბილიზაციის და განვითარების გეგმაზე და ამ პროცესში საკონსულტაციო მომსახურებას იღებს მაღალი დონის ეკონომიკური ექსპერტებისა და პროფესიონალებისგან. ვმუშაობთ Deloitte-ის ნიუ-იორკის ოფისის წარმომადგენლებთან და ექსპერტებთან, რომელთაც აქვთ ძალიან დიდი გამოცდილება, მოწყვლადი ეკონომიკების სტაბილიზაციის და გაძლიერების კუთხით. ჩვენ, აგრეთვე, ვმუშაობთ კემბრიჯისა და ლონდონის უნივერსიტეტების პროფესორთა ჯგუფთან, ქვეყნის ეკონომიკის გრძელვადიან სტრატეგიაზე,“ - აღნიშნა ბექა ლილუაშვილმა.

მანვე მხარდაჭერისთვის მადლობა გადაუხადა საერთაშორისო ორგანიზაციებს და აღნიშნა, რომ ამ პროცესში მათი როლი ქვეყნისთვის უმნიშვნელოვანესია. „რა თქმა უნდა, ასეთი მაღალი დონის საკონსულტაციო მომსახურების მიღებას ვახერხებთ ჩვენი საერთაშორისო პარტნიორების მხარდაჭერით, რისთვისაც მინდა, დიდი მადლობა გადავუხადო აშშ-ის განვითარების სააგენტოს და ასევე, გაერო-ს განვითარების პროგრამას, მათი როლი ამ პროცესში ქვეყნისთვის ძალიან მნიშვნელოვანია,“- აღნიშნა პრემიერის მრჩეველმა.

როგორც ბექა ლილუაშვილმა განაცხადა, Deloitte-ის პირველ პრეზენტაციაში წარმოდგენილი იყო ფისკალური, მონეტარული და სექტორული ეკონომიკური პოლიტიკის ანალიზი და საერთაშორისო ექსპერტების რეკომენდაციები, რასთან დაკავშირებითაც, სამუშაო პროცესში, შიდა უწყებრივი განხილვები გაიმართება.

„დღეს Deloitte-ის ნიუ-იორკის ოფისის წარმომადგენლებმა საქართველოს მთავრობის წევრებს წარუდგინეს პირველადი პრეზენტაცია, სადაც მათ ისაუბრეს ფისკალური, მონეტარული და სექტორული ეკონომიკური პოლიტიკის ანალიზსა და არსებულ პერსპექტივებსა და რეკომენდაციებზე, როგორც პანდემიის პერიოდში, ისე მის შემდგომ. მოვისმინეთ მრავალი საინტერესო რეკომენდაცია, თითოეული მიმართულებით. ჩვენ განვაგრძობთ მათთან მუშაობას იმისთვის, რომ ჩავრთოთ ადგილობრივი ექსპერტები ამ რეკომენდაციების დახვეწის პროცესში და განვახორციელოთ შიდა უწყებრივი განხილვები. დაისვა რამდენიმე მნიშვნელოვანი აქცენტი, მათ შორის, ექსპერტების მხრიდან ძალიან პოზიტიურად შეფასდა მთავრობის თითოეული გადაწყვეტილება და ღონისძიება ანტიკრიზისული და სექტორული მხარდაჭერის გეგმებში, მათი განცხადებით, თითოეული ეს ნაბიჯი შეესაბამებოდა საუკეთესო საერთაშორისო პრაქტიკას და გამოცდილებას. ასევე, ძალიან დროული და სწრაფი იყო ის ნაბიჯები, რომლებიც მთავრობამ გადადგა, რათა კრიზისის დროს მაქსიმალურად მხარი დაეჭირა მოქალაქეებისთვის,“ - განაცხადა პრემიერ-მინისტრის მრჩეველმა.

ლილუაშვილის კომენტარს საქართველოს მთავრობის პრესსამსახური ავრცელებს.

ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
ქართული პრესის მიმოხილვა 22.01.2021
არჩილ მორჩილაძე - ბიუჯეტის ხარჯზე მედიკამენტების ხარჯების ანაზღაურებას სახელმწიფოს მიერ დასაქმებული ადამიანები და მათი ოჯახის წევრები, 250 000-ზე მეტი ადამიანი იღებს, როცა უამრავი სოციალურად დაუცველი ამ დაფარვის მიღმაა დარჩენილი
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს
დეველოპერული კომპანია „ბლოქსი“ ქალაქ ზუგდიდში მულტიფუნქციური სავაჭრო ცენტრის მშენებლობას იწყებს
ევროკავშირის და FAO-ს მხარდაჭერით ქართველი ფერმერები შემოსავლებს და წარმოებას ზრდიან