მეტროსადგურ „ნაძალადევის“ მიმდებარე ტერიტორიაზე ერთმანეთს ორი მოპედი შეეჯახა. როგორც „ინტერპრესნიუსს“ შინაგან საქმეთა სამინისტროში განუცხადეს, შემთხვევის შედეგად დაშავდა ერთ-ერთი მოპედის მძღოლი. „ორი მოპედი შეეჯახა ერთმანეთს. დაშავდა ერთ-ერთის მძღოლი და ის ამჟამად საავადმყოფოშია გადაყვანილი,“-აცხადებენ უწყებაში.

მათივე ინფორმაციით, გამოძიება დაწყებულია 276-ე მუხლის მეორე ნაწილით, რაც გულისხმობს ავტომობილის ან სხვა მექანიკური სატრანსპორტო საშუალების მოძრაობის უსაფრთხოების ან ექსპლუატაციის წესის დარღვევას, რამაც ჯანმრთელობის ნაკლებად მძიმე დაზიანება გამოიწვია.