პარიზში აქციის მონაწილეებმა ჯანდაცვის სამინისტროს შენობას წითელი საღებავი შეასხეს. დემონსტრანტების თქმით, წითელი საღებავი არის კორონავირუსით გარდაცვლილი ადამიანიების სიმბოლო, რომლებიც ჯანდაცვის სფეროს გაუმართაობის გამო დაიღუპნენ.

აქტივისტები საფრანგეთის ხელისუფლებისგან ჯანდაცვის სფეროში დასაქმებულთა სამუშაო პირობების გაუმჯობესებას ითხოვდნენ.

„წლების განმავლობაში მედიკოსები გვაფრთხილებდნენ, რომ მათ არ აქვთ საკმარისი რესურსი, კერძოდ კი კვალიფიციური პერსონალი, საწოლები, აღჭურვილობა, რაც საშუალებას მისცემდა ღირსეულად ეზრუნათ პაციენტებზე“, – განაცხადეს მათ.

აქტივისტების მტკიცებით, საფრანგეთის ჯანდაცვის სისტემა რეორგანიზაციას საჭიროებს და სამედიცინო პერსონალი მეტად უნდა იყოს დაფასებული.