სოფიო შამანიდი - 20 ივნისს ქართველმა ერმა უარი თქვა შიშზე და არ შეეგუა უსამართლობას

ქართველები არასდროს შეეგუებიან ოკუპაციას და შიშს. 20 ივნისის შემდეგ გახსოვდეთ მაკო გომური! გახსოვდეთ ის ქალები, რადგან ისინი არავის აპატიებენ მსგავს შეცდომებს და ყოველთვის წინ აღუდგებიან უსამართლობას! , - ამის შესახებ „ლელო საქართველოსთვის“ წევრმა სოფიო შამანიდიმ განაცხადა.

მისი თქმით, 20 ივნისი იყო დღე, როდესაც ყველამ უარი თქვა რუსულ ჩექმაზე და ყოველგვარ შიშზე.

“20 ივნისს მივხვდი, რომ ქართველი ხალხი არ ეგუება რუსულ ჩექმას; რომ ახალგაზრდებმა კარგად იციან, რა უნდათ; რომ ჩვენ ვერავინ შეგვაშინებს; რომ აქციის მოთხოვნა შეიძლება იყოს კონკრეტული და შედეგზე ორიენტირებული - პროპორციული არჩევნები და არა აბსტრაქტული “გადადექი”; რომ ჩვენი მთავრობა არაადეკვატური და ძალადობრივია; რომ ძალა ნამდვილად ერთობაშია” , - განაცხადა სოფიო შამანიდიმ.

“ლელო საქართველოსთვის” წევრმა აქციის დროს ქალების როლზეც გაამახვილა ყურადღება და განმარტა, რომ 20 ივნისს რუსთაველზე ქალები გაერთიანდნენ მთავარი მიზნის მისაღწევად და მათ მადლობა გადაუხადა.

“გასული წლის 20 ივნისს ჩემთვის ყველაზე თვალსაჩინო კიდევ ერთი რამ იყო - ქალები! ქალები, რომლებმაც გავრილოვი ააგდეს ჩვენი სკამიდან, ქალები, რომლებიც გაერთიანდნენ მთავარი მიზნის მისაღწევად, ქალები, რომლებიც შვილებთან ერთად მოდიოდნენ აქციებზე, ქალები, რომლებიც ფიზიკურად დაზარალდნენ, მაგრამ არც ერთი წუთით არ დაიხიეს უკან. დიდი მადლობა მათ - ოპოზიციონერ პოლიტიკოს ქალებს, ჟურნალისტ ქალებს, "სირცხვილიას" ქალებს, უბრალოდ ქალებს, ვინც არ დაიღალა 3 თვის განმავლობაში. მომავალ, ახალგაზრდების ძალისხმევით მოპოვებული პროპორციული სისტემით მოსულ პარლამენტარებს კი წინასწარ ვეტყვი - გახსოვდეთ მაკო გომური! გახსოვდეთ ეს ქალები, იმიტომ, რომ ქალები არ გაპატიებენ ასეთ შეცდომებს! ქალები ყოველთვის წინ აღუდგებიან უსამართლობას! ქალები ყოველთვის იდგებიან ქვეყნის სადარაჯოზე”, - განაცხადა სოფიო შამადინიმ.

ინფორმაციას „ლელო საქართველოსთვის“ ავრცელებს.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს