ლევან გოფოძის ინფორმაციით, რესპუბლიკურ საავადმყოფოში კორონავირუსით ინფიცირებული სულ 18 პაციენტია, რომელთაგან ერთის მდგომარეობა მძიმეა
რესპუბლიკური საავადმყოფოს დირექტორის, ლევან გოფოძის ინფორმაციით, კლინიკაში ამ დროისთვის 18 კოვიდინფიცირებული პაციენტი იმყოფება, რომელთაგან ერთის მდგომარეობა მძიმეა.
როგორც მან ჟურნალისტებთან საუბრისას აღნიშნა, ახალი ინფიცირებული პაციენტი გუშინ მიიღეს და ის მათ საავადმყოფოში მყოფი ერთ-ერთი კოვიდინფიცირებული პაციენტის დედაა.
„ჩვენს საავადმყოფოში მყოფი 18 კოვიდინფიცირებული პაციენტიდან ერთის მდგომარეობა მძიმეა. ის მართვით სუნთქვაზე რჩება, თუმცა პაციენტის სუნთქვის კომპონენტის რიგი პარამეტრები გაუმჯობესდა. დანარჩენი პაციენტების მდგომარეობა დამაკმაყოფილებელია. რაიმე განსაკუთრებული ჩარევა არცერთს არ სჭირდება და ისინი დაკვირვების ქვეშ იმყოფებიან. ველოდებით ხუთი პაციენტის გამოჯანმრთელებას. ახალი კოვიდინფიცირებული ერთი პაციენტი გუშინ გადმოვიყვანეთ. ის ჩვენთან მყოფი ერთ-ერთი ინფიცირებულის დედაა, რომელიც თვითიზოლაციაში ბინაზე იმყოფებოდა. მას ტესტირება იქ ჩაუტარდა, დადებითი პასუხი დაუდასტურდა და ამიტომაც დაგვემატა ეს პაციენტი“ - განაცხადა ლევან გოფოძემ.
This is a modal window.
v-if="article.gallery" v-html="article.gallery"
