ბადრი ჯაფარიძე - აუცილებლად ვიმსჯელებთ ოპოზიციასთან ერთად იმ საკითხზე, რომელიც პირველივე ტურში „ქართული ოცნების“ კანდიდატს დაამარცხებს
„ლელო საქართველოსთვის“ლიდერის, ბადრი ჯაფარიძის განცხადებით, არჩევნებში დამოუკიდებლად მონაწილეობის მიღება ოპოზიციასთან დისკუსიის გაწყვეტას არ ნიშნავს. ამის შესახებ მან ჟურნალისტებთან შესაბამისი კითხვის საპასუხოდ განაცხადა.
„ჩვენ ვარჩევთ კანდიდატებს მაჟორიტარული ოლქებისთვის და კიდევ ერთხელ ვუსვამ ხაზს, რომ კანდიდატებს ამა თუ იმ მაჟორიტარულ ოლქში განვიხილავთ ოპოზიციურ პარტიებთან ერთად. აუცილებლად ვიმსჯელებთ ოპოზიციასთან ერთად იმ საკითხზე, რომელიც პირველივე ტურში „ქართული ოცნების“ კანდიდატს დაამარცხებს. იმას, რომ დამოუკიდებლად ვარჩევთ მაჟორიტარობის კანდიდატებს, არ ნიშნავს ოპოზიციასთან ურთიერთობის გაწყვეტას”, - განაცხადა ბადრი ჯაფარიძემ.
