აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე ქალაქ ხონში კომპაქტურ ჩასახლებებში მცხოვრებ აფხაზეთიდან იძულებით გადაადგილებულ პირებს შეხვდა. ამის შესახებ “ინტერპრესნიუსს” აფხაზეთის მთავრობიდან აცნობეს.

მათი ინფორმაციით, მთავრობის თავმჯდომარემ ხონის მუნიციპალიტეტის მერ ლადო ჯურხაძესთან ერთად კულტურის ცენტრის და საბავშვო ბაღის რეაბილიტირებული შენობები დაათვალიერა.

“რუსლან აბაშიძე და ლადო ჯურხაძე აფხაზეთის ავტონომიური რესპუბლიკის მთავრობის და ხონის მუნიციპალიტეტის მერიის თანამშრომლობით რამდენიმე მნიშვნელოვანი სამომავლო ერთობლივი პროექტის განხორციელებაზე შეთანხმდნენ, მათ შორის კულტურის ცენტრის განვითარების მიმართულებით.

აფხაზეთის ავტონომიური რესპუბლიკის მთავრობამ ხონის დევნილთა დასახლებაში კულტურის ცენტრის ბიბლიოთეკას წიგნები და აფხაზეთიდან დევნილი მხატვრის ნახატი გადასცა.

შეხვედრაზე აფხაზეთის ავტონომიური რესპუბლიკიდან იძულებით გადაადგილებულ პირთა-დევნილთა სამინისტროს იმერეთის რეგიონის ტერიტორიული ორგანოს უფროსი ბესიკ ჭანტურია, სსიპ „კულტურის, სპორტისა და ახალგაზრდულ საქმეთა სააგენტოს“ დირექტორი ლიკა კვარაცხელია და ხონის დევნილთა საინიციატივო ჯგუფის ხელმძღვანელი ბაჩანა ბასილაია იმყოფებოდნენ”, - აღნიშნულია ინფორმაციაში.