ოკუპირებული აფხაზეთის დე ფაქტო ხელისუფლების მიერ 22-24 ივნისამდე გახსნილ ე.წ. ენგურის საზღვრით, ოკუპირებულ რეგიონში საქართველოს ხელისუფლების მიერ კორნტროლირებადი ტერიტორიიდან 907 ადამიანი დაბრუნდა. ამის შესახებ ე.წ. უშიშროების სამსახურში განაცხადეს.

მათივე ცნობით, დაბრუნებულთა შორის 200 ბავშვია.

„ეს ადმიანები არიან აფხაზეთის მოქალაქეები, ან აფხაზეთში მცხოვრები პირები“, - განაცხადეს დე ფაქტო უწყებაში.

მათივე ინფორმაციით, ოკუპირებულ აფხაზეთში დაბრუნებულ ადამიანებს სამედიცინო-სანიტარული კონტროლის გავლა და ორდღიან კარანტინში ყოფნა მოუწიათ.

აფხაზეთის დე ფაქტო ხელისუფლებას დანარჩენ საქართველოსთან დამაკავშირებელი ადმინისტრაციული საზღვარი კორონავირუსის გამო სრულად ჩაკეტილი აქვს.