S&P Global Platts - საქართველოში იმედოვნებენ, რომ გაიმეორებენ რუმინეთის წარმატებას შავ  ზღვაში გაზის საბადოების კვლევის მიმართულებით

OMV Petrom გეგმავს კიდევ უფრო გააქტიურდეს შავ ზღვაში საქართველოს ოფშორულ ზონაში საქმიანობის დაწყებით, - მსოფლიოში ეკონომიკური სიახლეების ერთ-ერთმა წამყვანმა საინფორმაციო - ანალიტიკურმა პორტალმა S&P Global Platts გამოაქვეყნა ინფორმაცია უმსხვილესი ავსტრიული ნავთობკომპანიის OMV ჯგუფის წევრი კომპანიის OMV PETROM S.A. მიერ საქართველოს ეკონომიკისა და მდგრადი განვითარების სამინისტროს მიერ ნავთობისა და გაზის რესურსებით სარგებლობის გენერალური ლიცენზიის მოსაპოვებლად შავი ზღვის II სალიცენზიო ბლოკზე ღია საერთაშორისო ტენდერში გამარჯვების შესახებ.

სტატიის თანახმად, OMV-მა მოიპოვა შავი ზღვის II ბლოკზე ლიცენზია, რომელიც 5,282 კვადრატულ კილომეტრს მოიცავს. ამ ეტაპზე, საქართველო ერთადერთი ქვეყანაა შავი ზღვის აუზში, სადაც ნახშირწყალბადების ძებნა - ძიება არ მიმდინარეობს.

„საქართველოში იმედოვნებენ, რომ მომავალი წლების განმავლობაში გაზრდიან გაზის მოპოვებას, რათა შეამცირონ იმპორტზე დამოკიდებულება, გაიმეორებენ რუმინეთის წარმატებას შავ ზღვაში გაზის საბადოების კვლევის მიმართულებით“, - ნათქვამია სტატიაში.

OMV Petrom რუმინეთის ყველაზე დიდი და აღმოსავლეთ ევროპის ყველაზე დიდი ნავთობისა და გაზის კომპანია. 2012 წელს OMV PETROM-მა, ExxonMobil-თან ერთად, რუმინეთში, შავი ზღვის საძიებო ბლოკ Neptun-ზე აღმოაჩინა გაზის ერთ-ერთი უმსხვილესი საბადო DOMINO -1.

ავსტრიის უმსხვილესი ნავთობკომპანია OMV ნავთობის ძებნა ძიებისა და მოპოვების სამუშაოებს აწარმოებს, ცენტრალურ და აღმოსავლეთ ევროპის ქვეყნებში, ჩრდილოეთ ზღვაზე და ახლო აღმოსავლეთში. OMV ნავთობგადამამუშავებელ საქმიანობას ძირითადად აწარმოებს ავსტრიაში გერმანიაში და რუმინეთში. გადამუშავებული პროდუქციის მოცულობამ 2019 წელს 24,9 მლნ ტონა შეადგინა.

ინფორმაციას ეკონომიკისა და მდგრადი განვითარების სამინისტრო ავრცელებს.

ზაალ ანჯაფარიძე - სტაბილურობა, რომელიც დღეს გვაქვს, საკმაოდ მყიფეა - სახელმწიფოს რესურსები ულევი არ არის და ამიტომ  ხელისუფლება  ცდილობს,  თავი დაიზღვიოს
ქართული პრესის მიმოხილვა 28.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
სილქფესტი მომხმარებლებს ინტერნეტის და სასაუბრო პაკეტების ოთხ სააქციო პირობას სთავაზობს
JTI-ს საუკეთესო დამსაქმებლის ჯილდო გადაეცა