ქართული პრესის მიმოხილვა 26.06.2020

არჩევნები დისტანციურად - შესაძლებელია თუ არა საქართველოში ესტონეთის მოდელის დანერგვა

“რურუა შესაძლოა საკონსტიტუციო ცვლილებების შემდეგ გაათავისუფლონ” - რა დივიდენდების მიღება სურთ “ოცნებას” და ოპოზიციას

***

არჩევნები დისტანციურად - შესაძლებელია თუ არა საქართველოში ესტონეთის მოდელის დანერგვა

ესტონეთი პირველი სახელმწიფოა, სადაც არჩევნებში მონაწილეობა ელექტრონულადაც არის შესაძლებელი. ეტონეთის მოქალაეებს შეუძლიათ ასევე, ტრადიციული ფორმით, საარჩევნო უბანზე მისვლით დააფიქსირონ თავიანთი არჩევანი”, - წერს გაზეთი "რეზონანსი“ სტატიაში სათაურით, არჩევნები დისტანციურად - შესაძლებელია თუ არა საქართველოში ესტონეთის მოდელის დანერგვა / "ადრე თუ გვიან, სამყარო, რომ ამ ტიპის არჩევნებზე გადავა - ეს ცხადია"

"მსგავსი პრაქტიკა 2001 წლიდან დაინერგა მთავრობის კოალიციის ინიციატივით. საინტერესოა, შესაძლებელია თუ არა მსგავსი პრაქტიკა საქართველოშიც დაინერგოს და კორონავირუსის შემდეგი გავრცელების რისკების შესამცირებლად 2020 წლის არჩევნები დისტანციურად ჩატარდეს. აღნიშნულ საკითხზე „რეზონანსთან" გია ხუხაშვილმა ისაუბრა. მისი შეფასებით საქართველოში მსგავსი ტიპის არჩევნები ძალიან დიდ რისკებს შეიცავს. „მე ვფიქრობ, ამას ბევრად უფრო საფუძვლიანი მომზადება უნდა, ძალიან ბევრი ტიპის რისკებს შეიცავს. ამ ყველაფერს თან ახლავს ხმის მიცემის, საიდუმლობის, ინდივიდუალობის, პერსონიფიცირების პრობლემატიკა."ადრე თუ გვიან, სამყარო, რომ ამ ტიპის არჩევნებზე გადავა, ეს სავსებით ცხადია. არ ვიცი ჩვენი ქვეყნის ტექნოლოგიური მზაობა როგორია, ან რა ტიპის ტექნოლოგიურ მხარდაჭერას ითვალისწინებს ეს რეფორმები, მაგრამ მგონია, რომ ჩვენ ჯერჯერობით მზად არ ვართ. ძალიან კარგი იქნებოდა კორონავირუსის პრევენციისთვის, მაგრამ რაც არ შეგიძლია იმას ვერ გააკეთებ", - აღნიშნავს გამოცემა.

„მისი განცხადებით არჩევნების მსგავსი მოდელით ჩატარება გაზრდის მოქალაქეების აქტივობას არჩევნების პროცესში, თუმცა, ასევე ადამიანებზე ზემოქმედების შემთხვევები უფრო ხშირი იქნება. ხუხაშვილი ამბობს, რომ ამ ეტაპზე მაღალი სტანდარტებით აღნიშნული ცვლილების განცხორციელება საქართველოსთვის შეუძლებელია. თუ ხმის მიცემის საკითხი, საიდუმლობის და პერსონიფიცირების პრობლემები იქნება გადაწყვეტილი, ძალიან ეფექტური იქნება აღნიშნული ცვლილება. შეიძლება ისიც ითქვას, რომ მსგავსი მოდელი გაზრდის მოქალაქეების ჩართულობას და მონაწილობას არჩევნებში იმიტომ, რომ ადამიანებს ხშირ შემთხვევაში ეზარებათ ან არ შეუძლიათ საარჩევნო უბნებზე მისვლა. თუ ეს ყველაფერი ტექნიკურად იოლი იქნება, ბუნებრივია ეს პრობლემაც მოგვარდება. საერთო ჯამში, აღნიშნულ მოდელს დადებითად ვაფასებ, მაგრამ დღეს ვფიქრობ, რომ მაღალი სტანდარტით ამის გაკეთება შეუძლებელია. იმიტომ, რომ დისტანციურად ხმის მიცემა გააჩენს ძალიან ბევრ კითხვას. ხმის მიცემის რაღაც „მეორადი ბაზარი" შეიძლება გაჩნდეს”, ასევე არის ოჯახური მომენტები, სადაც ზეწოლისა და ზემოქმედების გამორიცხვა საკმაოდ რთულია. არის რიგი პრობლემებისა, რომლებიც ჯერ კიდევ გადასაწყვეტია", - წერს სტატიის ავტორი.

“რურუა შესაძლოა საკონსტიტუციო ცვლილებების შემდეგ გაათავისუფლონ” - რა დივიდენდების მიღება სურთ “ოცნებას” და ოპოზიციას

"რურუას საქმე გასცდა პოლიტპატიმრის გათავისუფლების ჩარჩოებს და დღეს პიარის თემა გახდა. ოპოზიცია თავის ამორჩეველს ეტყვის, რომ ჩვენ დასავლეთის დახმარებით ვაიძულეთ ხელისუფლება გაეთავისუფლებინა გიორგი რურუა, აი დასავლეთი ჩვენთან არისო. "ქართული ოცნება" ფიქრობს, რომ დღეს რურუას გათავისუფთლებით მისმა ამომრჩეველმა არ ჩათვალოს, რომ "ოცნება" სუსტია და თმობს ხელისუფლებას”, - წერს გაზეთი "რეზონანსი“ სტატიაში სათაურით, “რურუა შესაძლოა საკონსტიტუციო ცვლილებების შემდეგ გაათავისუფლონ” - რა დივიდენდების მიღება სურთ “ოცნებას” და ოპოზიციას

"საკონსტიტუციო ცვლილებების მიღების შემდეგ შეიძლება რურუა გაათავისუფლონ, მაგრამ ეს ოპოზიციისთვის იმ პოლიტიკური კაპიტალის მომტანი ვეღარ იქნება, რასაც საკონსტიტციო ცვლილებების მიღებამდე მოუტანდა"- ასე ეხემაურება პოლიტოლოგი ვახტანგ ძაბირაძე ოპოზიციის განცხადებას, რომ მესამე მოსმენით საკონსტიტუციო ცვლილებებში მონაწილოებას არ მიიღებს. "ევროპული საქართველოს" ლიდერის გიგა ბოკერიას განცხადებით, პოლიტიკური გაერთიანება გადაწყვეტილებას არ შეცვლის, რადგან ეს პრინციპის საკითხია. "ევროპული საქართველო" გადაწყვეტილებას არ შეცვლის, რადგან ეს პრინციპის საკითხია, ეს არ არის პერსონალური საკითხი, ეს არ ესმის ივანიშვილს", - აცხადებს გიგა ბოკერია”, - აღნიშნავს გამოცემა.

"ოცნების" უმრავლესობაში კი აცხადებენ, რომ ოპოზიციას სერიოზული პოლიტიკური ფასის გადახდა მოუწევს, თუ საკონსტიტუციო ცვლილებების მესამე მოსმენის კენჭისყრაში მონაწილეობას არ მიიღებს. "ოპოზიცია 8 მარტის შეთანხმების არც ერთ პუნქტს არ ასრულებს, შეთანხმების მთავარი ნაწილი არის საარჩევნო სისტემის მხარდაჭერა, ისინი კი კენჭისყრაში არ მონაწილეობენ. "რაც შეეხება მეორე ნაწილს, ის მართლმასჯულების არასათანადო პოლიტიზირებას ეხებოდა. ოპოზიცია ამ პუნქტსაც უხეშად არღვევს, რადგან მმართველი პოლიტიკური ძალისგან იმის გაკეთებას მოითხოვს, რისი გაკეთებაც მხოლოდ მართლმსაჯულებას შეუძლია. "ქართული ოცნება" ზედმიწევნით იცავს ამ ორ პირობას. ამ დროის განმავლობაში არ ყოფილა არც ერთი შემთხვევა, რომ მმართველი ძალის მხრიდან განხორციელდა მართლმსაჯულების არასათანადო პოლიტიზირება და ჩვენ სრულად დავუჭირეთ მხარი საარჩევნო სისტემას",- აცხადებს პარლამენტის ყოფილი თავმჯდომარე ირაკლი კობახიძე”, - განაგრძობს გამოცემა.

"8 მარტის შეთანხმებისკენ მოუწოდებს ორივე მხარეს აშშ-ს ელჩი საქართველოში კენი დეგნანი. მისი განცხადებით, მნიშნვლოვანია, რომ საკონსტიტუციო ცვლილებები პარლამენტში სრული მხარდაჭერით იყოს მიღებული. "შეთანხმება, რომელიც საქართველოს პოლიტიკურ პარტიებს შორის მოხდა და ეს ნაბიჯი ნამდვილად წარმატებული იყო, ახლა ჩვენ ყველას გვსურს ვიხილოთ რომ შეთანხმების ორივე ნაწილი შესრულდა. გვსურს საკონსტიტუციო ცვლილებებს მთელმა პარლამენტმა დაუჭიროს მხარი. ეს იქნება დემოკრატიული პროცესის ნამდვილი პროგრესის მაჩვენებელი და შექმნის პირობას სამართლიანი არჩევნების ჩასატარებლად", - აცხადებს კენი დეგნანი. ცნობისთვის, 23 ივნისს პარლმენტის პლენარულ სხდომაზე საკონსტიტუციო ცვლილებებს კენჭი მესამე მოსმენით უყარეს. კანონპროექტს მხარი დაუჭირა 115 დეპუტატმა. "ნაციონალურმა მოძრაობამ" და "ევროპულმა საქართველომ" კენჭისყრაში მონაწილეობა არ მიიღეს და ამის მიზეზად გიორგი რურუას პატიმრობაში დარჩენა დასახელდა. "რურუას საქმე გასცდა პოლიტპატიმრის გათავისუფლების ჩარჩოებს, დღეს ეს თემა გახდა პიარის თემა; ოპოზიცია საკონსტიტუციო ცვლილბებეში მონაწილობის არ მიღებას იყენებს ქვეყნის შიგნით პიარისთვის, რომ უთხრას თავის ამომრჩეველს, ჩვენ, დასავლეთის მხარდაჭერით ვაიძულეთ ხელისუფლება გაეთავისუფლებინა რურუა, აი დასავლეთი ჩვენთან არისო. "ოცნებაც" იგივე სიტუაციაშია, ფიქრობს, რომ დღეს რურუას გათავისუფლება მისმა ამომრჩეველმა არ ჩაუთვალოს, რომ "ქართული ოცნება" არის სუსტი და თმობს ხელისუფლებას. "არ არის გამორიცხული, რომ ამ საკონსტიტუციო ცვლილებების მიღების შემდეგ გაათავისუფლონ რურუა; მაგრამ ოპოზიციისთვის ეს ვეღარ იქნება იმ პოლიტიკური კაპიტალის მომტანი, რასაც მათი აზრით, მოუტანდა საკონსტიტუციო ცვლილებების მიღებამდე", - განაცხადა "რეზონანსთან" ვახტანგ ძაბირაძემ”, - წერს სტატიის ავტორი.

ევროკავშირის სადამკვირვებლო მისიის ხელმძღვანელი - ახლა უმთავრესი გამოწვევა დიალოგის განახლებაა, წინააღმდეგ შემთხვევაში, ვშიშობ, რომ ადგილზე გვექნება გართულებული ვითარება
ლევან ნატროშვილი - მიუხედავად იმისა, რომ საარჩევნო კოდექსში ბევრი დადებითი ცვლილება განხორციელდა, ისინი ბოლომდე ვერ პასუხობს  ეუთო/ოდირის რეკომენდაციებს
ქართული პრესის მიმოხილვა 02.07.2020
აჭარის ტურიზმის დეპარტამენტის თავმჯდომარე - მოვუწოდებ ყველა ქართველს, იმოგზაურონ ჩვენს რეგიონში, მათთვის ბევრი საინტერესო პროდუქტი გვაქვს
ვანო ჩხარტიშვილი - მამუკა ხაზარაძე დღეს მომავლის საშვის აღებას წარსულის გადაწერით ცდილობს
ძუძუს კიბო და ადრეული დიაგნოსტირების როლი მის მკურნალობაში
„თბილღვინო“ სოციალური პასუხისმგებლობის ფარგლებში შეჭირვებულ ოჯახებს ეხმარება
საუკეთესო სავალუტო კურსი ტერაბანკისგან
საქართველოში სერვისი ბინა გაქირავების გარანტიით შემოვიდა - მესაკუთრეები დაზღვევის სახით ბინის ღირებულების 5%-ს მიიღებენ
„ვისოლი“ Smart Pay ფორმატის ავტოგასამართი სადგურების ქსელს ავითარებს
Apple Pay ხალიკ ბანკი საქართველოს მომხმარებლებისთვის