ინდოეთში კორონავირუსით დაინფიცირების რეკორდული დღიური მაჩვენებელი დაფიქსირდა - გასულ 24 საათში ვირუსის 19 906 ახალი შემთხვევა გამოვლინდა. მონაცემებს CNN-ი ინდოეთის ჯანდაცვის სამინისტროზე დაყრდნობით ავრცელებს.
გარდა ამისა, ვირუსს ბოლო დღე-ღამეში ინდოეთში კიდევ 410 ადამიანი ემსხვერპლა.
სულ ინდოეთში კორონავირუსის 528 859 შემთხვევაა გამოვლენილი, მათგან 16,095 პაციენტი გარდაიცვალა, 310 000-მდე პირი კი განიკურნა. ვირუსით ინფიცირების ყველაზე მეტი შემთხვევა მაჰარაშტრას შტატში ფიქსირდება, შემდეგ კი დედაქალაქი დელია 80 000-ზე მეტი შემთხვევით.
კოვიდინფიცირებულთა რაოდენობით ინდოეთი მსოფლიოში აშშ-ის, ბრაზილიისა და რუსეთის შემდეგ, მე-4 ადგილზეა.