ხმების ოფიციალური დათვლის შედეგების თანახმად, კვირას, პოლონეთში გამართული საპრეზიდენტო არჩევნების პირველ ტურში მოქმედმა პრეზიდენტმა ანჟეი დუდამ გაიმარჯვა. ქვეყნის ცენტრალური საარჩევნო კომისიის საბოლოო მონაცემებით, დუდამ არჩევნებსი მონაწილეთა ხმების 43.5% მიიღო, მისმა მთავარმა კონკურენტმა ვარშავის მერმა რაფალ ტრჟასკოვსკიმ კი 30.46%. დანარჩენი ათი საპრეზიდენტო კანდიდატიდან, 10%-ზე მეტი არც ერთს მიუღია. რამდენადაც, პირველ ტურში ვერც ერთმა კანდიდატმა 50%-იან მხარდაჭერას ვერ მიაღწია, პირველ ორ ადგილზე გასული კანდიდატები საბოლოო გამარჯვების მოსაპოვებლად ერთმანეთს 12 ივლისს, მეორე ტურში დაუპირისპირდებიან.

კვირას, პირველ ტურში მოქალაქეთა აქტივობამ 64.5% შეადგინა, რაც ქვეყნითვის საკმაოდ მაღალი მაჩვენებელია. 48 წლის მოქმედმა პრეზიდენტმა „კანონი და სამართლის პარტიიდან“ ამომრჩევლებს პარტიის ეკონომიკური პროგრამის შესრულების პირობა მისცა, ასევე აქცენტი ტრადიციული ოჯახის დაცვაზე გააკეთა. ანჟეი დუდა პოლონეთის პრეზიდენტად პირველი ვადით 2015 წელს აირჩიეს.

იხილეთ ვიდეო:ცესკო-ს მონაცემებით, პოლონეთის საპრეზიდენტო არჩევნების პირველ ტურში მოქმედმა პრეზიდენტმა ანჟეი დუდამ გაიმარჯვა