სოფო კილაძე - ყველა ერთად დადგა გერმანიის ელჩის დასაცავად, "ნაცმოძრაობას" გერმანიის ელჩთან მიმართებით „კოვზი ნაცარში ჩაუვარდა"

ის, რაც ქართულ საზოგადოებასთან "ნაციონალურ მოძრაობას" გასდის, ნამდვილად ვერ გაუვა გერმანიის ელჩთან. როცა ხელისუფლებაში იყვნენ, განსხვავებული აზრისთვის ხოცავდნენ ადამიანებს, როცა ოპოზიციაში არიან, რასაც ახერხებენ, ეს არის ვერბალური თავდასხმები და შეურაცხყოფების მიყენება,-ამის შესახებ უმრავლესობის წევრმა სოფო კილაძემ ჟურნალისტებთან განაცხადა.

მისი თქმით, ნაციონალურ მოძრაობას" განსხვავებული აზრის მიმართ ორგანული მიუღებლობა აქვს.

"ჩვენ "ქართული ოცნება", ქართული საზოგადოება „ნაციონალური მოძრაობის“ და მისი სხვადასხვა დანაყოფების მხრიდან მიჩვეული ვართ თავდასხმებს, მათ შორის, პიროვნულ თავდასხმებს, მაგრამ ის რაც გასდით ქართულ საზოგადოებასთან "ნაციონალურ მოძრაობას", ნამდვილად ვერ გაუვა გერმანიის ელჩთან. აქედან პირდაპირ ჩანს, რომ "ნაციონალურ მოძრაობას" აქვს ორგანული მიუღებლობა განახვავებული აზრის მიმართ. როცა ხელისუფლებაში იყვნენ განსხვავებული აზრის გამო დევნიდნენ, ხოცავდნენ ადამიანებს, როცა ოპოზიციაში არიან, რასაც ახერხებენ, ეს არის ვერბალური თავდასხმები და შეურაცხყოფების მიყენება, ეს სცადეს გერმანიის ელჩთან, მაგრამ როგორც ვხედავთ, მთელი საერთაშორისო თანამეგობრობა, ყველა ერთად დადგა გერმანიის ელჩის დასაცავად, ამიტომ შემიძლია თამამად გითხრათ, რომ "ნაციონალურ მოძრაობას" გერმანიის ელჩთან მიმართებით, „კოვზი ნაცარში ჩაუვარდა,"- განაცხადა კილაძემ.

შეგახსენებთ, საქართველოში ევროკავშირის წარმომადგენლობამ, ევროკავშირის დიპლომატიური მისიების ხელმძღვანელებთან შეთანხმებით განცხადება გაავრცელა.

"ვგმობთ გარკვეული პოლიტიკური აქტორებისა და მედიასაშუალებების თავდასხმებს ჩვენი კოლეგის, გერმანიის ელჩის ჰუბერტ ქნირშის წინააღმდეგ,"- აღნიშნულია განცხადებაში.

მანამდე შალვა ნათელაშვილმა განაცხადა, რომ „გერმანიის სამარცხვინო ელჩი საკუთარ ბიზნესზე მუშაობს“. „გერმანიის ელჩი ფინანსდება ივანიშვილის რეჟიმისგან. მივმართავ გერმანიის მთავრობას, გაიწვიეთ სამარცხვინო ელჩი“, - განაცხადა შალვა ნათელაშვილმა.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 25.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს