ეუთოს საპატლამენტო ასამბლეის პრეზიდენტი და „ევროპული საქართველო - მოძრაობა თავისუფლებისთვის“ ფრაქციის თავმჯდომარე გიგი წერეთელი ამერიკის შეერთებულ შტატებს დამოუკიდებლობის დღეს ულოცავს.

„ვულოცავ ამერიკელ ხალხს, ამერიკელ კოლეგებს და მეგობრებს დამოუკიდებლობის დღეს! 244 წლის წინ მიღებული დეკლარაცია, მისი მთავარი პრინციპები, დღესაც განმსაზღვრელია დამოუკიდებლობისა და თავისუფლებისთვის მებრძოლი ყველა ქვეყნისთვის! ამერიკის სახელმწიფო ათწლეულებია ერთგულად და ქმედითად ეხმარება საქართველოს უსაფრთხოების, ეკონომიკის თუ დემოკრატიის განვითარების საქმეში და დარწმუნებული ვარ, ასე იქნება მომავალშიც. ამ თანადგომას ჩვენი ხალხი ძალიან აფასებს. მინდა განსაკუთრებული მადლიერება გამოვხატო ამერიკის საელჩოსა და ელჩის, კელი დეგნანის, ასევე ეუთო-ში ჩემი კოლეგებისა და მეგობრების, ელჩის ჯეიმს გილმორის, აშშ-ის სენატორების და კონგრესმენების მიმართ, საქართველოს მხარდაჭერისთვის!“- აცხადებს გიგი წერეთელი.

ინფორმაციას პარტია „ევროპული საქართველოს“ პრესსამსახური ავრცელებს.