ავსტრალიის ორ შტატს, ვიქტორიასა და ახალ სამხრეთ უელსს შორის საზღვარი იკეტება, - ამის შესახებ ინფორმაციას BBC-ი ავრცელებს.
გამოცემის ცნობით, ხელისუფლებამ ეს გადაწყვეტილება ვიქტორიას შტატის დედაქალაქ მელბურნში კორონავირუსის შემთხვევების ზრდის გამო მიიღო.
ვოქტორიას პრემიერის, დანიელ ენდრიუსის თქმით, სასაზღვრო შეზღუდვა ძალაში მიმდინარე კვირის ოთხშაბათიდან შევა.
ცნობისათვის, ავსტრალიაში დღემდე კორონავირუსის 8 583 შემთხვევაა დადასტურებული, დაღუპულია 105 ადამიანი. ბოლო 2 კვირის განმავლობაში მელბურნში კორონავირუსის ასობით შემთხვევა დადასტურდა, რამაც ქვეყანაში გამოვლენილი ახალი შეთხვევების 95 პროცენტი შეადგინა.
„როიტერსის“ ინფორმაციით, ვიქტორიასა და ახალ სამხრეთ უელსს შორის საზღვარი ბოლოს 1919 წელს, ესპანური გრიპის პანდემიის დროს ჩაიკეტა.
იხილეთ ვიდეო:ავსტრალიის ორ შტატს შორის საზღვარი იკეტება, რაც ბოლო 100 წელიწადში პირველად ხდება