თამარ გაბუნია - სოლიდარობის კვლევაში ჩასართავად, ამ ეტაპზე ქვეყანაში მძიმე პაციენტები არ არიან

ჯანდაცვის მინისტრის მოადგილის თამარ გაბუნიას განცხადებით, სოლიდარობის კვლევის ფარგლებში, საქართველოში მედიკამენტები ჩამოვიდა, თუმცა, ეს წამლები პროტოკოლიდან უკვე ამოიღეს.

მისივე თქმით, ამ ეტაპზე ქვეყანაში მძიმე პაციენტები, რომლებიც სოლიდარობის კვლევაში ჩაერთვებოდნენ, არ არიან.

„სოლიდარობის კვლევასთან დაკავშირებით, გარკვეული მოდიფიკაცია და წესების ცვლილებები ბოლო 2-3 კვირის განმავლობაში ხორციელდება ჯანმრთელობის მსოფლიო ორგანიზაციის მიერ. მედიკამენტები ჩამოვიდა ქვეყანაში 3 ჯგუფისთვის, მაგრამ მოხდა ისე, რომ ის მედიკამენტები, რომელიც ჩამოვიდა, უკვე კვლევის პროტოკოლიდან გაქრა. გარკვეული დალაგება სჭირდება ამ სიტუაციას, ვიდრე რეალურად გაეშვება სოლიდარობის კვლევა პაციენტის დონეზე. საბედნიეროდ, ჩვენ დღეს მძიმე პაციენტები, რომლებიც სოლიდარობის კვლევაში ჩაერთვებოდნენ, არ გვყავს. ვფიქრობ, მომდევნო ერთი თვის განმავლობაში ჯანმრთელობის მსოფლიო ორგანიზაციის მკვლევარები ჩამოყალიბდებიან იმ პროტოკოლზე, რითიც ვაგრძელებთ მუშაობას და ჩვენც, რა თქმა უნდა, ამას გავიზიარებთ. რა თქმა უნდა, წამალი არის, მაგრამ კვლევაში აქტიური პაციენტები ჩართულები არ არიან“, - განაცხადა გაბუნიამ.

ხათუნა ლაგაზიძე  - „ოცნება“ ისეთ თავდაღმართშია, ვერავინ გეტყვით, როდის, რა მომენტში აფეთქდება - პლებისციტზე საუბარმა აზრი დაკარგა, მოლაპარაკება აუცილებელია, მაგრამ უპირობოდ - რიგგარეშე არჩევნებზე
რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 08.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
სილქნეტი განცხადებას ავრცელებს (R)