თბილისის საქალაქო სასამართლოში ჩოგბურთელ ნიკოლოზ ბასილაშვილის ყოფილი მეუღლის, ნელი დოროყაშვილის სარჩელის საფუძველზე დაწყებული დავის განხილვა მიმდინარეობს.
სხდომას არ ესწრებიან არც ნიკოლოზ ბასილაშვილი და არც ნელი დოროყაშვილი.
როგორც პროცესის დაწყებამდე ჟურნალისტებს ბასილაშვილის ადვოკატმა, თამარ მაისურაძემ განუცხადა, დავა უძრავ ქონებას ეხება. კონკრეტულად, თუ რას ითხოვს დოროყაშვილი, ან რა ღირებულების ქონებაზეა საუბარი, აღნიშნულთან დაკავშირებით ადვოკატი არ საუბრობს.
"მოთხოვნები ზოგადად ქონებრივია, უძრავ ქონებასთან დაკავშირებითაა. მომჩივანი არის ქალბატონი ნელი დოროყაშვილი, სულ რამდენიმე თვეა, რაც წარმოებაშია საქმე", - აცხადებს მაისურაძე.