აფხაზეთის ე.წ. სასაზღვრო სამსახურის ინფორმაციით, ოკუპირებულ რეგიონში 13-17 ივლისს 1269 ადამიანი დაბრუნდა

მდინარე ენგურზე არსებული გადასასვლელის გახსნის შედეგად, რომელიც ოკუპირებული აფხაზეთის დე ფაქტო ხელისუფლებას პანდემიის გამო დაკეტილი აქვს, 1200-ზე მეტი ადამიანი დაბრუნდა საქართველოს ხელისუფლების მიერ კონტროლირებადი ტერიტორიიდან. ამის შესახებ სააგენტო „სპუტნიკი“ იუწყება.

დე ფაქტო ხელისუფლების ე.წ. სასაზღვრო სამსახურის ინფორმაციით, 13-დან 17 ივლისამდე, ე.წ. ჰუმანიტარული დერეფნის მეშვეობით, 1269 ადამიანი დაბრუნდა ოკუპირებულ ტერიტორიაზე.

პანდემიის პერიოდში აფხაზეთის ე.წ. ხელისუფლებამ უკვე ორჯერ გახსნა ე.წ. დერეფანი ოკუპირებულ რეგიონში დაბრუნების მსურველთათვის. მათ შორის დე ფაქტო რესპუბლიკაში 26-31 მაისს 532 ადამიანი გადავიდა, 22-24 ივნისს 1111 ადამიანი.