ფრანგულ-ქართული უნივერსიტეტის საბჭო შეიქმნა

პროექტის „ფრანგულ-ქართული უნივერსიტეტი“ ფარგლებში ფრანგულ-ქართული უნივერსიტეტის საბჭო შეიქმნა. ამის შესახებ „ინტერპრესნიუსს“ საქართველოს განათლების, მეცნიერების, კულტურისა და სპორტის სამინისტროდან აცნობეს.

მათივე ინფორმაციით, საქართველოსა და საფრანგეთის რესპუბლიკის მთავრობების ერთობლივი პროექტის „ფრანგულ-ქართული უნივერსიტეტი“ ფარგლებში ფრანგულ-ქართული უნივერსიტეტის საბჭო შეიქმნა, რომელიც პროექტის განხორციელებას გაუწევს ზედამხედველობას და მის შეუფერხებლად წარმართვას უზრუნველყოფს.

საბჭოს დებულებას ოფიციალურად მოაწერეს ხელი საქართველოს განათლების, მეცნიერების, კულტურისა და სპორტის მინისტრმა მიხეილ ჩხენკელმა და საფრანგეთის ელჩმა საქართველოში დიეგო კოლასმა.

უწყების ცნობით, პროექტი „ფრანგულ-ქართული უნივერსიტეტი“ წარმოადგენს მხარეთა ინსტიტუციონალურ თანამშრომლობას უმაღლესი განათლებისა და სამეცნიერო კვლევის სფეროში. იგი ითვალისწინებს ფრანგულ და ქართულ უნივერსიტეტებს შორის ერთობლივი სასწავლო პროგრამების შემუშავებასა და საქართველოს უმაღლეს სასწავლებლებში ფრანგული დიპლომის გაცემას. პროგრამებზე სწავლების ენები იქნება: ფრანგული, ინგლისური და ქართული.

სამინისტროს განცხადებით, პროექტის ფარგლებში ამუშავებულ საბაკალავრო და სამაგისტრო პროგრამებში ჩაერთვებიან საფრანგეთისა და საქართველოს წამყვანი უნივერსიტეტები. ამ ეტაპისთვის პროექტი ითვალისწინებს თანამშრომლობას ტურიზმის, სოფლის მეურნეობისა და კომპიუტერული მეცნიერებების სფეროში.

პროექტის „ფრანგულ-ქართული უნივერსიტეტი“ ფარგლებში 2020-2021 სასწავლო წლიდან ამოქმედება ორი პროგრამა სხვადასხვა უნივერსიტეტში: ტურიზმის სამაგისტრო პროგრამა – თბილისის სახელმწიფო უნივერსიტეტში, ხოლო საბაკალავრო პროგრამა „Production menagemnt in Milk industry” – საქართველოს ტექნიკურ უნივერსიტეტში. საქართველოს ტექნიკურ უნივერსიტეტში მონპელიე სუპაგროსა და მონპელიეს უნივერისიტეტებთან პარტნიორობით ასევე იგეგმება სამაგისტრო პროგრამის ამოქმედება მეღვინეობისა და ენოლოგიის მიმართულებით.

სამინისტროს ინფორმაციით, საქართველოსა და საფრანგეთის რესპუბლიკის მთავრობებს შორის „ფრანგულ-ქართული უნივერსიტეტის პროექტის“ განხორციელებასთან დაკავშირებით შეთანხმებას 2018 წლის 26 მაისს მოეწერა ხელი.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს