ხარკოვში პოლიცია ინფორმაციას ამოწმებს სხვადასხვა ინფრასტრუქტურული ობიექტების, მათ შორის მაღაზიების, სამედიცინო დაწესებულებების და ბანკების დანაღმვის შესახებ.
ინფორმაცია უკრაინულ მედიას პოლიციაში დაუდასტურეს.
მათი ინფორმაციით, შეტყობინებები სამედიცინო დაწესებულებებში, სუპერმარკეტებში, სავაჭრო ცენტრებში, ბანკებში, სასტუმროებში, საფოსტო განყოფილებებში, რკინიგზისა და ავტოსადგურებში ასაფეთქებლების განთავსების შესახებ 21 ივლისის 15:00 საათზე მიიღეს.
მისამართებზე საგამოძიებო-ოპერატიული ჯგუფები და გამნაღმველები მუშაობენ და შენობებს ამოწმებენ.