ანა გაბეჩავა შსს-ში კიდევ ერთხელ მივიდა
გიორგი შაქარაშვილის საქმესთან დაკავშირებით, შინაგან საქმეთა სამინისტროში ანა გაბეჩავა უფლებადამცველებთან ერთად მივიდა. მას ჟურნალისტებთან კომენტარი არ გაუკეთებია. ანა გაბეჩავას ადვოკატის ლიკა ბითაძის ინფორმაციით, დღეს ანა გაბეჩავას გამოკითხვა არ იგეგმება და გამოძიებამ გარკვეული ვიდეომასალები უნდა მიმოიხილოს.
,,როგორც ჩვენთვის ცნობილია, გამოკითხვა არ იგეგმება, დაგეგმილია გარკვეული ვიდეომასალების დათვალიერება. თუ არ ვცდები, ეს ვიდეოები აგარაკზე მომხდარ შემთხვევას ეხება,” - განაცხადა ლიკა ბითაძემ.
