შაქარაშვილის საქმის მოწმემ დიჯეი კონსტანტინე (კოკო) ღიბრაძემ შინაგან საქმეთა სამინისტრო დატოვა

შაქარაშვილის საქმის მოწმემ დიჯეი კონსტანტინე (კოკო) ღიბრაძემ შინაგან საქმეთა სამინისტრო დატოვა. მას მედიის წარმომადგენლებთან კომენტარი არ გაუკეთებია, თუმცა აღნიშნა, რომ მისი დაბარება ამოცნობის პროცედურას არ ეხებოდა.

„გამოძიების ინტერესებიდან გამომდინარე კომენტარს ვერ გავაკეთებ,” - აღნიშნა ღიბრაძემ.

შეგახსენებთ, რომ დღეს შსს-ში იმყოფება დაბადების დღის ორგანიზატორი ანა გაბეჩავაც. მისი ადვოკატის განცხადებით, დღეს ანა გაბეჩავას გამოკითხვა არ იგეგმება და გამოძიებამ გარკვეული ვიდეომასალები უნდა მიმოიხილოს.

ამასთან, შინაგან საქმეთა სამინისტროში იმყოფება საქმის ერთ-ერთი მოწმე გურამ ამირხანაშვილი, რომელმაც არასრულწლოვანი ზ.ხ. უნდა ამოიცნოს.