გარდაბნის მერი - გარკვეული კატეგორია უარს ამბობს ტესტირებაზე, ამიტომ კარდაკარ პრინციპით ტესტირება დავიწყეთ

გარდაბნის მუნიციპალიტეტის მერის რამაზ ბუდაღაშვილის განცხადებით, კორვიდინფიცირების პირველი შემთხვევის დაფიქსირებიდან დღემდე პისიარ ტესტირება 1900 პირს ჩაუტარდა, დღის ბოლოს კი 250 ტესტის პასუხს ელოდებიან.

„ჩვენ მოსახლეობასთან ყოველდღიურ რეჟიმში ვმუშაობთ, რომ გამოვიდნენ და ჩაიტარონ პისისარ ტესტირება. არის კატეგორია, რომელიც უარს ამბობს და არ ერთვება ტესტირების პროცესში, ამიტომ ჩვენ დავიწყეთ მოსახლეობის კარდაკარ პრინციპით ტესტირება. ეპიდემიოლოგები დადიან უბნებში, იმისათვის, რომ ხალხს გაუადვილდეს მისვლა და ბიოლოგიური მასალის ჩაბარება. დღეს სოფელ ყარაჯალარში ეპიდემიოლოგთა ორი ჯგუფი მუშაობს თუ საჭირო გახდა, კიდევ დავამატებთ, მთავარია იყოს ხალხის მხრიდან დამყოლობა“, - განაცხადა ჟურნალისტებთან საუბარში გარდაბნის მუნიციპალიტეტის მერმა რამაზ ბუდაღაშვილმა.

მისივე განცხადებით, მოსახლეობის ტესტირება დღეისათვის მიმდინარებს სოფელ ყარაჯალარში, დანარჩენ სოფლებში, სადაც ასევე დაფიქსირდა კოვიდინფიცირების ფაქტები, ყველა კონტაქტი მოძიებულია და გადაყვანილია საკარანტინე სივრცეში, ნაწილი კი თვითიზოლაციაში იმყოფება.

სოფელი ყარაჯალარი 24 ივლისს ჩაიკეტა და დღემდე კარანტინის რეჟიმი მოქმედებს. სოფელში კოვიდინფიცირების 31 შემთხვევაა დაფიქსირებული, მთლიანობაში გარდაბნის მუნიციპალიტეტში 51 პირს დაუდასტურდა კორონავირუსი.

იხილეთ ვიდეო:მოქალაქეების ნაწილი უარს ამბობს ტესტირებაზე, ამიტომ კარდაკარ პრინციპით სიარული დავიწყეთ - გარდაბნის მერი

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს