აშშ-ის ძალების ევროპული სარდლობის ყოფილი მეთაური - გერმანიიდან ამერიკელი ჯარისკაცების გაყვანა სრული საჩუქარია კრემლისთვის

გერმანიიდან ამერიკელი ჯარისკაცების გაყვანა სრული საჩუქარია კრემლისთვის, - ამის შესახებ აშშ-ის შეიარაღებული ძალების ევროპული სარდლობის ყოფილმა მეთაურმა, გენერალ-ლეიტენანტმა ბენ ჰოჯესმა „დოიჩე ველესთან“ ინტერვიუში განაცხადა.

„ეს არის საჩუქარი კრემლისთვის. მე იმას ვგულისხმობ, რომ რუსები, როგორც ყოველთვის, აგრესიულად მოქმედებენ შავ ზღვაში, აგრძელებენ ყირიმის ოკუპაციას და ყოველ დღე კლავენ უკრაინელებს. მათ არაფერი გაუკეთებიათ იმისთვის, რომ აშშ-მ ევროპაში საკუთარი შესაძლებლობები შეამციროს,“- აღნიშნა ბენ ჰოჯესმა.

მისივე თქმით, აშშ-ის პრეზიდენტის ადმინისტრაციის გადაწყვეტილება აშშ-გერმანიის ურთიერთობებს დააზარალებს.

„ეს ნაბიჯი დაგვაზიანებს, ვინაიდან კიდევ უფრო დააზარალებს ჩვენს ურთიერთობას ყველაზე მნიშვნელოვან მოკავშირესთან. გერმანია ჩვენი ყველაზე მნიშვნელოვანი მოკავშირეა ევროპაში, რომელიც გვაძლევს პლატფორმას საკუთარი ეროვნული უსაფრთხოების სტრატეგიის განსახორციელებლად აფრიკაში, ევროპასა და ევრაზიაში. ჩვენი ჯარისკაცები იქ გერმანიის დასაცავად არ არიან, ისინი იქ ჩვენს გამო არიან განთავსებული,“- აღნიშნა ბენ ჰოჯესმა.

შეგახსენებთ, გუშინ პენტაგონში გამართულ ბრიფინგზე ამერიკის თავდაცვის მინისტრმა მარკ ესპერმა განაცხადა, რომ აშშ გერმანიიდან 12 000-მდე ჯარისკაცს გაიყვანს.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 24.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი