ჯანმო-ს წარმომადგენელი - მკაცრი კარანტინის შემდეგ ადამიანები დაიღალნენ, მაგრამ თუ წესებს არ დავიცავთ, ვირუსი კიდევ უფრო გავრცელდება

მკაცრი საკარანტინო ზომების შემდეგ ადამიანები დაიღალნენ და სურდათ, ცხოვრების ნორმალურ რეჟიმს დაბრუნებოდნენ, ამიტომ ევროპის ზოგიერთ ქვეყანაში ინფიცირების შემთხვევების ზრდა ფიქსირდება, - ამის შესახებ ჯანდაცვის მსოფლიო ორგანიზაციის წარმომადგენელმა დევიდ ნოვილო ორტიზმა აზერბაიჯანში ვიზიტის დროს განაცხადა.

მისივე თქმით, თუკი მოსახლეობა კორონავირუსთან დაკავშირებულ წესებს არ დაიცავს, ვირუსი კიდევ უფრო გავრცელდება.

„თუკი წესებს არ დავიცავთ, ვირუსი კიდევ უფრო გავრცელდება და ჩვენს ცხოვრებაზე იმოქმედებს,“- განაცხადა დევიდ ნოვილო ორტიზმა.

მისი ინფორმაციით, ამჟამად, მსოფლიოში ადამიანებზე 25 კანდიდატი ვაქცინის გამოცდა მიმდინარეობს. სულ კი მეცნიერები 265 პოტენციურ ვაქცინაზე მუშაობენ.

„მეტი კანდიდატი ვაქცინა წარმატების მეტ შანსს ნიშნავს,“- აღნიშნა ჯანმო-ს წარმომადგენელმა.

ცნობისათვის, ბოლო მონაცემებით, მსოფლიოში კორონავირუსის 17 528 800 შემთხვევაა დადასტურებული, გამოჯანმრთელებულია 10 975 208 და დაღუპულია 677 684 ადამიანი.

გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
ქართული პრესის მიმოხილვა 03.08.2020
ალექსანდრე თვალჭრელიძე -  გაბრაზებული ამომრჩევლები ხმას მცირე პარტიებს მისცემენ, პარლამენტის გასაღები სწორედ მცირე პარტიების და  ახალი სახეების ხელშია
მარტივი, უსაფრთხო და მოქნილი Apple Pay ციფრული საფულე პროკრედიტ ბანკის მომხმარებლებისთვის!
HR ბიზნეს სამიტი HR hub-ის ორგანიზებითა და PSP დაზღვევის მხარდაჭერით წარმატებით ჩატარდა
"მეამას" შენობა მსოფლიოში საუკეთესო სამუშაო სივრცედ დასახელდა