ჯანდაცვის მსოფლიო ორგანიზაციის (WHO) ხელმძღვანელის, ტედროს ადჰანომ გებრეიესუსის თქმით, კორონავირუსის ზეგავლენას მომდევნო ათწლეულების განმავლობაში ვიგრძნობთ. ამის შესახებ ინფორმაციას "ალ ჯაზირა" ავრცელებს.

როგორც გებრეიესუსმა განაცხადა, კორონავირუსის გლობალური აფეთქება კატასტროფის იმგვარი სახეობაა, რომლის შედეგებიც სამომავლოდ, დიდი ხნის განმავლობაში გაგრძელდება.

"პანდემია, როგორც ჯანდაცვის კრიზისი, საუკუნეში ერთხელ ხდება, მისი ეფექტები მომდევნო ათწლეულების განმავლობაში იქნება საგრძნობი", - აღნიშნა გებრეიესუსმა "ჯანმოს" საგანგებო კომიტეტის სხდომაზე.