„თავისუფალი საქართველოს“ ლიდერები გლდანის მოსახლეობას შეხვდნენ

„თავისუფალი საქართველოს“ ლიდერები რეგიონების გარდა მხარდამჭერებთან შეხვედრებს დედაქალაქის მასშტაბითაც განაგრძობენ.

როგორც „ინტერპრესნიუსს“ პარტიიდან აცნობეს, პარტიის ლიდერებმა ამჯერად, წინასაარჩევნო კამპანიის ფარგლებში, ამომრჩევლებთან შეხვედრა გლდანში გამართეს. „თავისუფალი საქართველო“ ის პარტიაა, რომელიც ყურადღებით უსმენს ხალხს და მაქსიმალურად ითვალისწინებს მათ შეხედულებებსა და რეკომენდაციებს.

აქედან გამომდინარე, ჩვენ კარგად ვიცით, როგორ გამოვიყვანოთ ქვეყანა იმ სოციალურ-ეკონომიკური, თუ პოლიტიკური ჩიხიდან, რომელშიც საქართველო ამჟამად იმყოფება“, - განაცხადა კახა კუკავამ.

მისივე განმარტებით, უახლოეს პერიოდში ისევე, როგორც თბილისის სხვა უბნებში „თავისუფალი საქართველო“ მაჟორიტარი დეპუტატობის კანდიდატს გლდანის რაიონშიც წარადგენს. „ამჟამად „თავისუფალ საქართველოში“ პარტიის ლიდერებისა და სახეების გადანაწილება მიმდინარეობს. აგვისტოს შუა რიცხვებამდე მივიღებთ გადაწყვეტილებას, თუ ვინ იქნება ჩვენი წარმომადგენელი გლდანის რაიონში. გვაქვს მოსახლეობის მხარდაჭერის იმედი, ვინაიდან ჩვენი პარტია ფაქტობრივად ერთადერთი თუ არა, ერთ-ერთი გამოკვეთილი ძალაა, რომელიც მთლიანად ეროვნული ღირებულებებით მოქმედებს და არცერთ პოლიტიკურ ბანაკს არ მიეკუთვნება“, - განაცხადა კახა კუკავამ.

„თავისუფალი საქართველო“ საარჩევნო კამპანიას განაგრძობს და პარტიის ლიდერები მოსახლეობას მთელი ქვეყნის მასშტაბით ინტენსიურად ხვდებიან.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს