რომან გოცირიძე ოპოზიციურ პარტიებზე - ჩვენ ვართ კონკურენტები ახლა და როცა პარლამენტში შევალთ, მერე ვიქნებით პარტნიორები

ჩვენ ვართ კონკურენტები ახლა და მერე ვიქნებით პარტნიორები, როცა პარლამენტში შევალთ და კოალიციურ ხელისუფლებას შევქმნით, - ამის შესახებ ფრაქცია "ნაციონალური მოძრაობის" თავმჯდომარემ რომან გოცირიძემ "ევროპული საქართველოს" მიერ მაჟორიტარი დეპუტატობის კანდიდატების წარდგენის საკითხზე კომენტირებისას განაცხადა.

მისივე თქმით, კანდიდატების დამოუკიდებლად წარდგენა აბსოლუტურად სწორი გადაწყვეტილებაა.

"ამ საარჩევნო სისტემიდან გამომდინარე, როცა მანდატების 80 პროცენტი ნაწილდება პროპორციული სიით, ბუნებრივია, პოლიტიკური პარტიები პირველ რიგში, კონკურენტები არიან. არ არის იმ მოვლენის დრამატიზება საჭირო, რომ შესაძლებელია სადღაც კონკურენტები ვიყოთ.

ოპოზიციას შორის უპრეცედენტო ისტორიული შეთანხმება მოხდა, როცა მივაღწიეთ გამარჯვებას და პროპორციულთან მიახლობული საარჩევნო სისტემა იქნა მიღებული, თბილისში 6 ოლქში შეთანხმებული კანდიდატია დაყენებული. ამაზე მეტს არჩევნებში ოპოზიციას ნუ მოვთხოვთ“, - განაცხადა გოცორიძემ.

მისივე თქმოთ, არჩევნები ეს არის კონკურენცია, მოლაპარაკება, შეთანხმება და შეუთანხმებლობა და რაღაც მოვლენაზე წინააღმდეგობის გამოგონება არ შეიძლება.

"ნორმალურად მიდის პროცესი, ჩვენც დავაყენებთ ყველგან რეგიონებში. 30 ოლქიდან უდიდეს ნაწილში იქნება მეორე ტური, რომელი ოპოზიციური პარტიაც გავა მეორე ტურში, მთელი ოპოზიციური ფრონტის მხარდაჭერა ექნება, დავეხმარებით ყველას, თუ მათ მეორე ტურში გასვლა შეძლეს, ისევე როგორც ყველა ოპოზიციური სპექტრი დაეხმარება "ნაციონალურ მოძრაობას" მეორე ტურში. წარმოუდგენელია "ქართულმა ოცნებამ" მოაგროვოს ხმების 40-45%-ზე მეტი. მეორე ტური იქნება სწორედ კონფრონტაციისა და გაერთიანების საფუძველი", - განაცხადა გოცირიძემ.

ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
ქართული პრესის მიმოხილვა 04.03.2021
კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
შეფუთვის ვინტაჟური სტილი და ევროპული სტანდარტების ქარხანა - „ვაკე“ 2021 წელს სიახლეებით იწყებს
იურიდიული პირები პროკრედიტ ბანკში ანგარიშებს დისტანციურად გახსნიან