დღეს, ივანე ჯავახიშვილის სახელობის თბილისის სახელმწიფო უნივერსიტეტის რექტორის არჩევნები ტარდება.
რექტორის თანამდებობის დასაკავებლად 3 კანდიდატი იბრძვის.
კანდიდატებთან გასაუბრება zoom-ის პლატფორმის გამოყენებით გაიმართება.
კერძოდ, გიორგი ბარამიძესთან გასაუბრება ჩატარდება 10:00 საათზე, ცირა ბარამიძესთან 11:00 საათზე, ხოლო გიორგი შარვაშიძესთან 12:00 საათზე.
კენჭისყრა 14:00 საათიდან 17:00 საათამდე, თსუ-ს პირველ კორპუსში გაიმართება, რის შემდეგაც საარჩევნო კომისია შედეგებს აკადემიურ საბჭოს გადასცემს.
არჩევნების შედეგები ძალაში 2020 წლის 24 სექტემბერს შედის, მოქმედი რექტორის უფლებამოსილების ამოწურვის თარიღიდან.