აშშ-ში ძლიერ შტორმს მსხვერპლი მოჰყვა

აშშ-ის აღმოსავლეთ სანაპიროს შტორმი „ისაიასი“ დაატყდა თავს. CNN-ი იუწყება, რომ სტიქიას ჩრდილოეთ კაროლინას შტატში მინიმუმ ორი ადამიანი ემსხვერპლა. ადგილზე სამძებრო და სამაშველო ოპერაცია გრძელდება.

CNN-ის ინფორმაციითვე, სამი ადამიანი დაკარგულად ითვლება. ძლიერი ქარიშხლის გამო მილიონზე მეტი ადამიანი ელექტროენერგიის გარეშე დარჩა. ყველაზე მეტად ამ დროისთვის ნიუ-ჯერსის შტატია დაზარალებული, სადაც 325 000-ზე მეტ ადამიანს შეუწყდა ელექტროენერგია.

შტორმმა დააზარალა ვირჯინიის, მერილენდისა და პენსილვანიის შტატებიც.

სინოპტიკოსები მოსახლეობას სიფრთხილისკენ მოუწოდებენ. მათი მტკიცებით, ძლიერმა წვიმებმა, შესაძლოა, მდინარეების ადიდება, დასახლებული ტერიტორიების დატბორვა და მეწყერი გამოიწვიოს. აღსანიშნავია, რომ ქარიშხალი „ისაიასი“ კარიბის ზღვის კუნძულებს ორშაბათს დაატყდა თავს, სადაც სტიქიურ უბედურებას 2 ადამიანი ემსხვერპლა.

რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 08.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
სილქნეტი განცხადებას ავრცელებს (R)