აშშ-ის აღმოსავლეთ სანაპიროს ქარიშხალი „ისაიასი“ დაატყდა თავს, დაღუპულია სულ მცირე 4 ადამიანი

აშშ-ის აღმოსავლეთ სანაპიროს ტროპიკული ქარიშხალი „ისაიასი“ დაატყდა თავს, მერილენდისა და ნიუ-იორკის შტატებში დაღუპულია სულ მცირე 4 ადამიანი, - ამის შესახებ ინფორმაციას BBC-ი ავრცელებს.

გამოცემის ცნობით, ქარის სიჩქარემ 100 კმ/სთ-ს მიაღწია. ჩრდილოეთ კაროლინადან ნიუ-იორკამდე მოძრავმა ქარიშხალმა ტორნადოები და წყალდიდობები გამოიწვია, მოთხარა ხეები და დააზიანა სახლები. დაახლოებით 3.4 მილიონი ადამიანი ელექტროენერგიის გარეშეა დარჩენილი. ჩრდილოეთ კაროლინაში საგანგებო მდგომარეობა გამოცხადდა.

აშშ-ის ქარიშხლების ეროვნულმა ცენტრმა (NHC) "სიცოცხლისათვის საშიში ქარიშხლის საფრთხის" შესახებ გაფრთხილება გამოსცა.

აღსანიშნავია, რომ ქარიშხალი „ისაიასი“ კარიბის ზღვის კუნძულებს ორშაბათს დაატყდა თავს, სადაც სტიქიურ უბედურებას 2 ადამიანი ემსხვერპლა.

იხილეთ ვიდეო:

რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 08.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
სილქნეტი განცხადებას ავრცელებს (R)