აშშ-ის აღმოსავლეთ სანაპიროს ტროპიკული ქარიშხალი „ისაიასი“ დაატყდა თავს, მერილენდისა და ნიუ-იორკის შტატებში დაღუპულია სულ მცირე 4 ადამიანი, - ამის შესახებ ინფორმაციას BBC-ი ავრცელებს.
გამოცემის ცნობით, ქარის სიჩქარემ 100 კმ/სთ-ს მიაღწია. ჩრდილოეთ კაროლინადან ნიუ-იორკამდე მოძრავმა ქარიშხალმა ტორნადოები და წყალდიდობები გამოიწვია, მოთხარა ხეები და დააზიანა სახლები. დაახლოებით 3.4 მილიონი ადამიანი ელექტროენერგიის გარეშეა დარჩენილი. ჩრდილოეთ კაროლინაში საგანგებო მდგომარეობა გამოცხადდა.
აშშ-ის ქარიშხლების ეროვნულმა ცენტრმა (NHC) "სიცოცხლისათვის საშიში ქარიშხლის საფრთხის" შესახებ გაფრთხილება გამოსცა.
აღსანიშნავია, რომ ქარიშხალი „ისაიასი“ კარიბის ზღვის კუნძულებს ორშაბათს დაატყდა თავს, სადაც სტიქიურ უბედურებას 2 ადამიანი ემსხვერპლა.