„ევროპული საქართველოს“ ერთ-ერთი ლიდერის გიგი წერეთლის განცხადებით, ეუთო/ოდირის საჭიროებების შეფასების მისიის წარმომადგენლების საქართველოში ჩამოსვლა არის ჩვეულებრივი პროცედურა.
„ძალიან მნიშვნელოვანია, რომ ბევრი მონიტორი და დამკვირვებელი იყოს. ეუთო-მ მიიღო ეს გადაწყვეტილება, ეუთო/ოდირის მისია სწორედ ემსახურება წინასწარ ვითარების შესწავლას. ეს არის ჩვეულებრივი პროცედურა. იქნება შეხვედრა ყველა მონაწილესთან, არასამთავრობო სექტორთან, ხელისუფლებასთან, მედიასთან და ა.შ ჩამოყალიბდება სურათი და რა თქმა უნდა, ეს იქნება მნიშვნელოვანი იმისთვის, რომ შემდეგი პროცედურები განისაზღვროს. ძალიან მნიშვნელოვანი საკითხია ასევე იმის აღნიშვნა თუ რა რეკომენდაციები იქნა გათვალისწინებული და რა არ იქნა გათვალისწინებული, რაც დარწმუნებული ვარ შემდგომში არჩევნების შეფასებაზე იმოქმედებს“,- განაცხადა გიგი წერეთელმა.