პროკურორის განცხადებით, ბრალდებული ექიმის მაგდა ხოჭოლავას მიმართ ძებნა გამოცხადდება

კომაში მყოფი პაციენტის ნათია ცირეკიძის საქმეზე ბრალდებული ექიმის, მაგდა ხოჭოლავას მიმართ ძებნა გამოცხადდება. აღნიშნულის შესახებ ჟურნალისტებს სასამართლო პროცესის დასრულების შემდეგ საქმის პროკურორმა დავით გუმბერიძემ განუცხადა.

ექიმს, რომელსაც „თბილისის ცენტრალურ საავადმყოფოში“ უკანონო საექიმო საქმიანობის განხორციელება ედება ბრალად, საქართველოში არ იმყოფება. დავით გუმბერიძის განცხადებით, მან საქართველო მას შემდეგ დატოვა, რაც ის გამოკითხვაზე დაიბარეს.

„მაგდა ხოჭოლავას რაც შეეხება, 2019 წლის 16 მარტს, როცა ჩვენ უშუალოდ ოპერაციის ჩამტარებელი ექიმები დაკითხვაზე დავიბარეთ, მაგდა ხოჭოლავამ საქართველოს ტერიტორია 2019 წლის 17 მარტს დატოვა. მანამდე, 2 წლის განმავლობაში, ის ქვეყნის საზღვარზე 32-ჯერ იყო შემოსული, საგამოძიებო ორგანოში მისი გამოცხადების ვალდებულების არსებობის შემდეგ კი, ის საერთოდ არ დაბრუნდა ქვეყანაში. მასთან შესაბამისი კომუნიკაცია გვქონდა და უარი განაცხადა საქართველოში დაბრუნებაზე. რა თქმა უნდა, ძებნას გამოვაცხადებთ“, - განაცხადა გუმბერიძემ.

ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ქართული პრესის მიმოხილვა 05.03.2021
სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
სილქნეტი განცხადებას ავრცელებს (R)