Apple-ის ოფიციალური პარტნიორი საქართველოში „აიპლიუსი" მომხმარებლებს Summer Sale კვირეულის ფასდაკლებებს სთავაზობს.

როგორც „ინტერპრესნიუსს“ „აიპლიუსიდან“ აცნობეს, 15 აგვისტომდე შეძენილ ნებისმიერ პროდუქციაზე სპეციალური ფასები და უნიკალური შეთავაზებები იმოქმედებს. მათივე ცნობით, ახალი მოდელების iPhone-ის შეძენისას, მომხმარებელი მიიღებს 480 ლარამდე სარგებელს და საჩუქრებს.

მათივე ინფორმაციით, საზაფხულო ფასდაკლებებთან ერთად საჩუქრად ყველა მოდელზე გავრცელდება სხვადასხვა ტიპის უკაბელო ყურსასმენები, წყალგამძლე დინამიკები, ბრონირებული დამცავები და მსოფლიოში ყველაზე პატარა 2 ბარათიანი მობილური ტელეფონები.

„ნებისმიერი iPhone შეძენისას მომხმარებლებს გადავცემთ საჩუქრებს. ზაფხულის მოახლოებასთან ერთად ყველაზე პოპულარული ნივთებია უკაბელო ყურსასმენი და წყალგამძლე დინამიკები, ამიტომ ყველა მომხმარებლებს სხვადასხვა iPhone-სა და MacBook-ის შეძენისას თავად შეეძლებათ შეარჩიონ სასურველი საჩუქარი. ასევე, აღსანიშნავია ონლაინ განვადების განახლებული სისტემა, სადაც სახლიდან გაუსვლელად შეძლებთ დაიმტკიცოთ ნებისმიერი პროდუქტი. ამ პერიოდში სახლში მოტანილი ნივთი, თანაც შეკვეთიდან 30 წუთში, ნამდვილად ფუფუნებაა ქართული ბაზრისთვის“, - აცხადებს კომპანიის მენეჯერი გიორგი ჩიხრაძე.

კომპანიის ინფორმაციით, მომხმარებლებს განსაკუთრებული შეთავაზებები სმარტფონების აქსესუარებზეც ელით. ბრონირებული დამცავების და ქეისების შეძენა 40%-იანი ფასდაკლებით იქნება შესაძლებელი. ასევე 50%-მდე სარგებელია ტექნიკური დეტალების (შუშის, ეკრანის, ნაწილების) შეცვლისას.