დავით ჭიჭინაძე - ადამიანებს სჭირდებათ სამუშაო ადგილები, გადარჩენის პროგრამა, არა ის, რასაც ვხედავთ, რომ ვიღაცებს თურმე დაეხმარებიან!

ადამიანებს სჭირდებათ სამუშაო ადგილები, გადარჩენის პროგრამა და არა ის, რასაც ჩვენ ვხედავთ, რომ ვიღაცებს თურმე დაეხმარებიან! , - ასე ეხმიანება, პოლიტიკური მოძრაობა „ტრიბუნას“ ლიდერი, დავით ჭიჭინაძე პრემირ-მინისტრ გახარიას განცხადებას, „ოცნების“ მთავრობის გადაწყვეტილების დახმარებების შესახებ.

„ თუ სახელმწიფო არ შეკვეცავს ამ ფინანსურ დახმარებებს და პირდაპირ არ შეძლებს ადამიანების დახმარებას, ეს იქნება ისევ და ისევ ფიქცია და ახალი 420 მილიონი აღმოჩნდება ისევ ბანკირების ჯიბეში!

ანუ, ის მოვლენები რომელიც დღეს მსოფლიოში მიმდინარეობს, არ არის ფინანსური კრიზისი ეს არის ეკონომიკური კრიზისი.

ჩვენი მთავრობა კი, ამ ეკონომიკური კრიზისის დამარცხებას, ისევ ფინანსური კრიზისთან ბრძოლის მეთოდებით ცდილობს და იმის მაგივრად, რომ სამუშაო ადგილები შექმნან და კონკრეტული გადარჩენის პროგრამა აამოქმედონ, ისევ არიგებენ ფულს, რასაც აუცილებლად მოყვება გარღვევა, ფასების კატასტროფული ზრდა...

სწორედ ამაზე ვაფრთხილებდი პანდემიის დაწყების პირველივე დღეს, ეკონომიკურ გუნდს და პრემიერ გახარიას, რომელიც დღეს შფოთავს, რომ ეკონომიკა თურმე ღრმა რეცესიაში შედის“, - აცხადებს ჭიჭინაძე, რომლის კომენტარსაც „ტრიბუნას“ პრესსამსახური ავრცელებს.

ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
ქართული პრესის მიმოხილვა 04.03.2021
კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
შეფუთვის ვინტაჟური სტილი და ევროპული სტანდარტების ქარხანა - „ვაკე“ 2021 წელს სიახლეებით იწყებს
იურიდიული პირები პროკრედიტ ბანკში ანგარიშებს დისტანციურად გახსნიან