დონალდ ტრამპმა TikTok-ისა და WeChat-ის აკრძალვასთან დაკავშირებით განკარგულებებს ხელი მოაწერა

აშშ-ის პრეზიდენტმა დონალდ ტრამპმა ხელი მოაწერა განკარგულებას TikTok-ის მფლობელ კომპანია ByteDance-სთან გარიგებების აკრძალვის შესახებ.

BBC-ის ცნობით, პრეზიდენტის განკარგულებაში აღნიშნულია, რომ 45 დღეში ByteDance-სთან ყველანაირი გარიგება აიკრძალება.

„აშშ-მ საკუთარი ეროვნული უსაფრთხოების დაცვის მიზნით TikTok-ის მფლობელების წინააღმდეგ აგრესიული ქმედება უნდა განახორციელოს. ჩინეთის სახალხო რესპუბლიკაში მოქმედი კომპანიების კუთვნილი და შექმნილი მობილური აპლიკაციები აშშ-ის ეროვნულ უსაფრთხოებას, საგარეო პოლიტიკასა და ეკონომიკას საფრთხეს უქმნის,“- აღნიშნულია პრეზიდენტის განკარგულებაში.

აღსანიშნავია, რომ პრეზიდენტმა დონალდ ტრამპმა მსგავსი განკარგულება ჩინური კომპანია Tencent-ის კუთვნილი აპლიკაციის, WeChat-ის, აკრძალვის მინზითაც გამოსცა.

TikTok-ი უარყოფს აშშ-ის ხელისუფლების ბრალდებებს იმის შესახებ, რომ მას ჩინეთის მთავრობა აკონტროლებს, ან ჩინეთის ხელისუფლებას ის მომხმარებელთა მონაცემების შესახებ ინფორმაციას აწვდის.

იხილეთ ვიდეო: დონალდ ტრამპმა TikTok-ისა და WeChat-ის აკრძალვასთან დაკავშირებით განკარგულებებს ხელი მოაწერა

ალექსანდრე თვალჭრელიძე - ჩვენი პოლიტიკური სპექტრის ნარატივი ინფანტილური და ფიცარივით ბრტყელია, არ გამოვრიცხავ ახალი პარტიის დაფუძნებას
ქართული პრესის მიმოხილვა 20.01.2021
ანდრია გვიდიანი - „ენგურჰესის“ გაჩერებამ კიდევ ერთხელ დაგვანახა, რომ ახალი ჰესების მშენებლობა სასიცოცხლოდ მნიშვნელოვანია
ეფექტური გზა რესპირაციული ინფექციების პრევენციისთვის
D ვიტამინის გავლენა რეპროდუქციულ ჯანმრთელობაზე