სამართალდამცავებმა ბეირუთში მომხდარ აფეთქებასთან დაკავშირებით გემ Rhosus-ის მფლობელი რუსი ბიზნესმენი დაკითხეს

ინტერპოლის ლიბანის ოფისის მოთხოვნით ბეირუთში მომხდარ აფეთქებასთან დაკავშირებით კვიპროსის პოლიციამ რუსი ბიზნესმენი იგორ გრეჩუშკინი დაკითხა, - ამის შესახებ ინფორმაციას „დოიჩე ველე“ ავრცელებს.

გამოცემის ცნობით, ბიზნესმენი იმ გემის მფლობელია, რომლითაც 2013 წელს ბეირუთში ასაფეთქებელი ნივთიერება ჩაიტანეს.

კვიპროსის პოლიციის პრეს-სპიკერის განმარტებით, იგორ გრეჩუშკინს კითხვები ტვირთთან დაკავშირებით დაუსვეს, რომელიც გემს საქართველოდან მოზამბიკიში გადაჰქონდა, თუმცა ის არ დაუკავებიათ.

შეგახსენებთ, ლიბანის დედაქალაქ ბეირუთში სამი დღის ძლიერ აფეთქება მოხდა, რომელსაც მედიის ინფორმაციით, სულ მცირე 157 ადამიანის სიცოცხლე ემსხვერპლა, დაშავებულთა რიცხვი კი 5000-ს აღწევს. ქვეყნის ოფიციალური პირები მომხდარს ასაფეთქებელი ნივთიერებების საწყობს უკავშირებენ, სადაც, მათი განმარტებით, 2 750 ტონა ამონიუმის ნიტრატი 6 წლის განმავლობაში უსაფრთხოების ნორმების დაცვის გარეშე ინახებოდა. მიმდინარე გამოძიების ფარგლებში ლიბანელმა სამართალდამცავებმა 16 პირი დააკავეს.

იხილეთ ვიდეო: სამართალდამცავებმა ბეირუთში მომხდარ აფეთქებასთან დაკავშირებით გემ Rhosus-ის მფლობელი რუსი ბიზნესმენი დაკითხეს

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს