პაკისტანში მომხდარი აფეთქების შედეგად 6 ადამიანი დაიღუპა, 10 კი - დაშავდა,- ამის შესახებ ინფორმაციას „ალ-ჯაზირა“ ავრცელებს. გამოცემის ცნობით,შემთხვევა ბალოჩისტანის პროვინციაში, ქალაქ ჩამანში მოხდა, აფეთქების სამიზნე კი ანტინარკოტიკული ძალების წევრები იყვნენ, რომლებსაც აფეთქების ადგილთან მანქანით უნდა გაევლოთ. ადგილობრივი სამართალდამცავების ინფორმაციით, ასაფეთქებელი მოწყობილობა მოტოციკლში იყო ჩადებული და დაღუპულები და დაშავებულები გამვლელები არიან.
მომხდარზე პასუხისმგებლობა ჯერჯერობით არავის აუღია.