ახალი ავტომობილის შეძენის მსურველებს „ვითიბი ბანკი“ განსაკუთრებულ პირობებს სთავაზობს.
როგორც „ინტერპრესნიუსს“ „ვითიბი ბანკიდან“ აცნობეს, შეთავაზების ფარგლებში, მომხმარებელს შეუძლია ბანკის პარტნიორი ავტო სალონებიდან გამოიყვანოს ავტომობილი, ისარგებლოს სამი წელი, ხოლო შემდეგ დააბრუნოს ყიდვის დროს შეთანხმებულ ფასად.
„3 წლის შემდეგ (სესხის ვადის ბოლოს) მყიდველს სამი შემოთვაზებული ვარიანტიდან შეუძლია აირჩიოს ერთ-ერთი: დარჩენილი ღირებულების ფასად, ჩააბაროს ავტომობილი ავტო სალონს, რის შედეგადაც იფარება ვალდებულება ბანკის მიმართ; სრულად დაფაროს სესხი და დაიტოვოს შეძენილი ავტომობილი; მოახდინოს დარჩენილი თანხის რესტრუქტურიზაცია, გააგრძელოს სესხი კიდე 3 წლით და დაიტოვოს საკუთრებაში ავტომობილი.
პროდუქტის ძირითადი უპირატესობაა: დაბალი საკრედიტო შენატანი ავტომობილის სარგებლობის პერიოდში; სესხის მოქნილი გრაფიკი 3+3 (წელი); 6 თვე დაზღვევა საჩუქრად. თანამონაწილეობა 0%-დან.
ავტო სესხის დეტალური პირობები განისაზღვრება ავტო დილერის და შერჩეული ავტომობილის მიხედვით. აღნიშნული პირობებით სარგებლობა შესაძლებელია პარტნიორ ავტო სადილეროებში: Porsche Center Tbilisi, Mazda Center Tegeta, Volvo Cars Tegeta, Toyota Center Tbilisi/Tegeta“, - ნათქვამია ინფორმაციაში.
დეტალური ინფორმაციის მისაღებად ეწვიეთ ბანკის ვებ გვერდს.